Nidina ifotony tao aminβny Kaominina Ambanivohitra Ankarinoro, Distrikanβi Fandriana, ny talata 8 septambra 2026, ny Komity Rezionaly misahana ny fanaraha-maso sy fanombanana ny asa tanterahinβny tetikasa PLAE VI β PARE I.
Tsy natao ho fitsidihana ara-pomba fotsiny ity fidinana ifotony ity. Ny tena tanjona dia ny hijery mivantana ny fizotry ny asa, hamantatra ny vokatra efa azo, ary hifanakalo hevitra aminβireo tomponβandraikitra sy mpisehatra eny an-toerana. Fotoana iray nahafahana nijery akaiky ihany koa ireo ezaka efa natao ho fiarovana ny nofon-tany sy ny tontolo iainana.
Ny PLAE VI β PARE I, na Programme de Lutte AntiΓ©rosive VI β Programme Paysage, Agroforesterie, Reboisement et Environnement I, dia tetikasa miompana aminβny ady aminβny fikaohanβny riaka ny nofon-tany, ny fambolen-kazo, ny fampiroboroboana ny fambolena mifandraika aminβny hazo ary ny fitantanana maharitra ny tontolo iainana.
Anisanβireo kaominina enina iasanβny tetikasa ao aminβny Faritra Amoronβi Mania ny Kaominina Ambanivohitra Ankarinoro. Manana anjara toerana lehibe aminβny fanatanterahana ny tetikasa izy, indrindra noho ny fisianβireo toerana mila arovana sy haverina aminβny laoniny.
ππ¨ππ«ππ§π ππ’π¦π² π§ππ§ππ¨π―ππ§π ππ’ππ¬π’ππ’π‘ππ§π π¬π² ππ¨π¦πππ§βππ³ππ€π
Toerana dimy no notsidihinβny delegasiona nandritra ny fidinana ifotony. Samy nojerena teny an-toerana ny fandrosoanβny asa, ny velaran-tany voakasika ary ny fiovana efa hita taorianβny fanatanterahana ireo hetsika.
Ireto avy ireo toerana notsidihina:
Befaka, mirefy 0,71 hektara;
Ambalavato, mirefy 0,57 hektara;
Ambalavato, mirefy 1,31 hektara;
ny Site de rΓ©fΓ©rence;
Ankafotra, mirefy 8,86 hektara.
Teny aminβireo toerana ireo no nahafahanβny komity nijery mivantana ny asa natao. Anisanβizany ny fiarovana ny tany aminβny fikaohanβny riaka, ny fambolen-kazo ary ireo fomba fiasa natao hamerenana tsikelikely ny fahavokaranβny tany.
Zava-dehibe ho anβny mponina eny ambanivohitra ny fiarovana ny nofon-tany. Rehefa kaohinβny riaka ny tany lonaka dia mihena ny vokatra, mihasarotra ny fambolena ary mety hihena ihany koa ny fidiram-bolanβny fianakaviana. Noho izany, tsy mijanona aminβny fiarovana ny tontolo iainana fotsiny ny tombontsoa entinβny tetikasa, fa mifandray mivantana aminβny fiainanβny mponina sy ny fahavitan-tena ara-tsakafo.
π
ππ§ππ«π¨π¬π¨ππ§π π‘π’ππ, ππ³ππ€π π¦ππ¨π₯π ππ¨π‘π’π³ππ§π
Araka ny zavatra hita nandritra ny fitsidihana dia efa ahitana vokatra tsara ireo asa notanterahina. Hita ihany koa fa mandroso ny fanatanterahana ireo hetsika efa nomanina.
Na izany aza, mila tohizana hatrany ny fanaraha-maso sy ny fikojakojana, satria ny fiarovana ny nofon-tany sy ny famerenana aminβny laoniny ny tontolo iainana dia asa mitaky fotoana. Mila ny fandraisanβanjaranβny tomponβandraikitra, ny teknisianina, ny kaominina ary indrindra ny mponina eny an-toerana izany.
Ny fahombiazanβny tetikasa dia tsy refesina aminβny isanβny hazo voavoly na aminβny velaran-tany voakasika fotsiny. Hita taratra ihany koa izany rehefa voaaro kokoa ny tanimboly, mihena ny fikaohanβny riaka, mihatsara ny vokatra ary mahatsapa tombontsoa maharitra ny mponina.
ππ’ππ¨π‘π² πππ¦π’π§βπ§π² πππ«π’π€ππ¬π π§π² π‘πππ¬π’π€π
Taorianβny fidinana ifotony dia nitohy ny alarobia 9 septambra 2026 taminβny atrikasa niarahana taminβireo tomponβandraikitry ny PLAE VI ny hetsika.
Nandritra ny atrikasa no nanaovana jery todika ny asa vita taminβny taom-pikatrohana 2025β2026. Nodinihina ireo vokatra azo, ny fandrosoana hita, ireo olana natrehina ary ireo lafin-javatra mbola mila hatsaraina.
Nankatoavina nandritra izany ihany koa ny DrafitrβAsa sy Tetibola Isan-taona, na PTBA, ho anβny taom-pikatrohana 2026β2027. Io drafitra io no hamaritra ireo asa hotanterahina manaraka, ny laharam-pahamehana hapetraka ary ny fitaovana ilaina hanohizana ny tetikasa.
ππ’π¬π¨π₯π¨ πππ§π π§π² πππ‘π’πππ§βπ§π² π
ππ«π’ππ«π ππ¦π¨π«π¨π§βπ’ πππ§π’π π§ππ§ππ«π’ππ«π π§π² π‘πππ¬π’π€π π§π² πππ.
Aminβny ankapobeny, ity fidinana ifotony sy atrikasa ity dia nahafahana nanamafy ny fifampiresahana sy ny fiaraha-miasa eo aminβireo mpisehatra rehetra. Nampiseho ihany koa izany fa mitaky ezaka iombonana ny fiarovana ny tontolo iainana: manomboka aminβny fandrafetana ny tetikasa, mandalo aminβny fanatanterahana azy eny ifotony, ary miafara aminβny fandraisanβandraikitry ny mponina aminβny fikajiana ny vokatra azo.
Ny fiarovana ny tany anio mantsy dia fiarovana ny fivelomanβny mponina sy ny hoavinβny taranaka rahampitso.
Loharano : Sitraka ANDRIAMANAMPISOA
Photo : Faritra Amoron’i Mania
