Nisy ny hetsika fitakiana nataonโireo mponina avy ao Andranokana, izay mitaky ny zony aminโny raharaha mahakasika ny fandoavana ny anjara vola tokony ho azonโizy ireo. Nosakanana nandritra izany ny lalana mankany aminโny orinasa QMM.
Omaly Alahady, tokony ho taminโny 10 ora sy 27 minitra, dia noravana ny sakana nataonโireo mpitaky ny zony. Tsy nisy ny herisetra taminโizany, fa vokatry ny fifampiresahana sy ny fanelanelanana nataonโireo Raiamandreny sy ny solontenam-panjakana eto Taolagnaro.
Tsiahivina fa efa nisy ny fifampiresahana teo aminโny roa tonta, saingy mbola tsy nahitana marimaritra iraisana hatreto. Araka ny fanazavanโireo mpitaky, dia efa nisy ny didim-pitsarana nivoaka momba ity raharaha ity, ka milaza izy ireo fa efa nahazo rariny teo anivonโny fitsarana.
Na izany aza, mbola mijanona ho olana ny tsy fahitana vahaolana aminโny fomba fampiharana izany, ka mitaky fifampiresahana sy fifanarahana mazava eo aminโny andaniny sy ankilany.
Tapaka nandritra ny fifampiresahana omaly fa hisy fivoriana indray androany tolakandro, izay hiarahanโireo mpitaky ny zony, ny tomponโandraikitry ny orinasa QMM, ireo Raiamandreny eto Fort-Dauphin ary ny solontenam-panjakana eto an-toerana.
Antenaina fa hitondra vahaolana maharitra izao fifampidinihana izao, indrindra fa ny fivelomanโireo mponina ao Andranokana no voalaza fa voakasika mivantana. Manana ahiahy izy ireo fa ny olana momba ny tany sy ny fahafahana mamboly dia mety hanasarotra hatrany ny fiainanโireo tantsaha.
Mbola miandry ny vokatry ny fifampiresahana kasaina hatao androany ร ry ny mponina sy ireo voakasika rehetra, aminโny fanantenana fa hahitana vahaolana ekenโny roa tonta.
ARRONE KENNEDY
