FORT-DAUPHIN:FIVAMI TAOLAGNARO: DIABE NIARAHANA TAMIN’NY TOMPON’ANDRAIKITRA AMBONIN’NY TAFIKA

24 0

Notontosaina ny sabotsy 23 aogositra 2025 nanomboka tamin’ny 07 ora sy sasany maraina tao Taolagnaro ny diabe na  » randonnée » nokarakarain’ny fikambanan’ny vady miaramila (FIVAMI) teo anivon’ny Fari-piarovana sy Filaminana MANDRARE.

Tonga nanome voninahitra sy nandray anjara mavitrika tamin’izao diabe izao ny Jeneraly SAHIVELO Lala Monja Delphin, Minisitry ny Foloalindahy sy Ramatoa vadiny, notronon’ny Jeneraly DERAMASINJAKA Manantsoa Rakotoarivelo, Lehiben’ny Etamazaoron’ireo Tafika sy Ramatoa vadiny, ny Jeneraly RAKOTOSON Jocelyn, Lehiben’ny Etamazaoron’ny Tafika an-tanety sy Ramatoa vadiny, ny Amiraly TSIRINIAINA Gabriel, lehiben’ny Etamazaoron’ny Tafika an-dranomasina sy Ramatoa vadiny, ireo Tale Jeneraly sy Tale eo anivon’ny Minisiteran’ny Foloalindahy, ny Etamazaoron’ireo Tafika sy ny ratsamangaikany ombam-bady avy, ary ny fikambanan’ny vady miaramila FIVAMI tany an-toerana.

Izany diabe izany dia niainga teo anoloan’ny Holafy fahatelo misahana ny vonjy voina na « 3eme Unité de Protection Civile », nahazo ny tanàna Ampasikabo, Ankabo, Libanona, Bazaribe, ary nifarana tao amin’ny tobin’ny « Bataillon Infanterie Taolagnaro ». Narahina fanalana vokona na « étirement » izao hetsika izao, izay natao teo amin’ny kianja malalaky ny toby. Nofaranana tamin’ny lalao taranja « basket ball » ny diabe izay nihaonan’ireo samy vady miaramila.
Ny tanjona tamin’izao hetsika izao dia ny fikolokoloana ny ara-pahasalamana sy fitsimbinana ny ara-batana ho an’ireo mpandray anjara rehetra. Eo ihany koa ny fanamafisana ny tarigetran’ny FIVAMI mifototra amin’ny  » Fifankatiavana -Firaisankina- Fifanampiana », ary farany ho fanomezana ohatra tsara ho an’ny mpiara-belona sy ny fiaraha-monina, satria ny fikolokoloana ny vatana dia antoka hahazoana fahasalamana sy hitazomana ny fahavitrihina.
ARRONE KENNEDY.

Related Post

Mandritsara, mitohy ny ezaka fanarenana ny tontolo iainana

Posted by - juin 5, 2024 0
𝐌𝐚𝐧𝐝𝐫𝐢𝐭𝐬𝐚𝐫𝐚 – 𝐌𝐢𝐭𝐨𝐡𝐲 𝐧𝐲 𝐞𝐳𝐚𝐤𝐚 𝐟𝐚𝐧𝐚𝐫𝐞𝐧𝐚𝐧𝐚 𝐧𝐲 𝐭𝐨𝐧𝐭𝐨𝐥𝐨 𝐢𝐚𝐢𝐧𝐚𝐧𝐚 (𝑯𝒂𝒎𝒆𝒕𝒓𝒂𝒉𝒂𝒏𝒂 𝒕𝒆𝒕𝒊𝒌𝒂𝒔𝒂 𝒊𝒂𝒓𝒐𝒗𝒂𝒏𝒂 𝒕𝒐𝒏𝒕𝒐𝒍𝒐 𝒊𝒂𝒊𝒏𝒂𝒏𝒂 𝒂𝒐 𝑴𝒂𝒓𝒐𝒕𝒂𝒏𝒅𝒓𝒂𝒏𝒐, 𝒎𝒊𝒔𝒚 𝒏𝒚 𝒕𝒆𝒕𝒊-𝒃𝒐𝒍𝒂 𝒏𝒂𝒑𝒆𝒕𝒓𝒂𝒌𝒂…