Soamadebo, Kaominina Ranopiso, Distrika Tolagnaro – FARITRA ANOSY
Niara nientana ny Faritra Anôsy izay tarihin’i Ramatoa Goverinora Voahary RAKOTOVELOMANANTSOA miaraka amin’ireo tompon’andraiki- mpanjakana eto an- toerana, nanamarika ny fanombohana amin’ny fomba ofisialy ny andro nasionaly ho fanaraha- maso ireo hazo novolena sy fametrahana aro afo hisorohana ny doro tanety.
Izany dia tafiditra ao anaty ny paik’ady ny fitondram- panjakana ho fiarovana ny valan- javaboary sy ny tontolo iainana mba hahamaintso indray an’i Madagasikara, iarahana amin’ny Ministeran’ny tontolo iainana sy ny fampandrosoana lovain- jafy miaraka amin’ireo mpiara- miombon’antoka maro samihafa.
» Ndao ho kolokoloina ny ala mba hikolokoloany ireo tarana- tsika afara », hoy Ramatoa Goverinora nanentana ireo vahoaka ato anaty ny faritra Anôsy ary nisaotra sahady ireo ezaka hifarimbonan’ny tsirairay amin’ny fiarovana ny tontolo iainana.
Nangonin’i ARRONE KENNEDY
