Farm Madagasikara | Nankalaza ny andron’ny Tantsaha androany

Na dia ny faha 17 Volana Aprily aza no fankalazana ny andron’ny Tantsaha maneran-tany, dia anio kosa no nankalaza izany ny Fikambanana FARM na ny Femmes en Action Rurale de Madagascar, izay notanterahina tany amin’ny Kaominina Fiaferana, ao amin’ny Distrika Antananarivo, Avaradrano.

 

Hetsika marolafy no nentin’izy ireonaamarihana ity andro ity, ary tsy latsa-danja tamin’izany ny fampiratiana ny vokatra vokarin’ireto vehivavy tantsaha ireo, narahina filaharam-be namakivaky ny tanana, ary nofaranana tamin’ny fiofanana izay niarahana tamin’ny Tranoben’ny Tantsaha.

 

Ny hetsika rehetra dia natao teo ambanin’ny fiahin’i Ramatoa Lilia RAVONIARISOA, izay Filoha Nasionaly no angady nanana sy vy nahitana ity fikambanana efa saika manenika ny faritra 23 eto Madagasikara ity.

Tanjona hatrany hoy izy raha nandray fitenenana dia ny hampiroboroboana ny fahaiza-manaon’ny vehivavy tantsaha ka ho mba hahatonga ho fitaratra amin’ny famokarana.

 

Ankoatry ny fampiofanana ny Vehivavy tantsaha, dia andalam-pikarohana lalam-barotra ny vokatra vokarin’ny Mpikambana ato amin’ny FARM ihany koa ny Fikambanana ankehitriny