Nihaona tamin’ireo mpitarika Tiako i Madagasikara sy ny fikambanana AVA avy amin’ireo kaominina 16 mandrafitra ny Distrikan’Avaradrano ny Kandida FIRAISANKINA AVARADRANO androany.
Fotoana nahafahana nanomezana toromarika sy lamina mahakasika ny fifidianana Solombavambahoaka ary nihainoana ny hetaheta sy ny fanehoan-kevitr’ireo mpikatroka.
Nisy ny hafatra avy amin’ny Filoha Marc RAVALOMANANA ,nampitondrainy ny « STAFF technique-ny » manambara ny faharavan’ny DISTIM teo aloha sy ny fitsanganan’ny « Cellule électorale » izay Andriamatoa Avotraina ANDRIAMOSA no mitarika azy.
Niditra mivantana tamin’ny antso an-tariby ihany koa ny Filoha Marc Ravalomanana ary nolazainy fa « TSY TOMBOTSOAN’OLON-TOKANA NO JERENA FA TOMBOTSOAN’NY DAHOLOBE !
FANAMBARANA VEHIVAVY TIAKO I MADAGASIKARA AVARADRANO
Nanao fanambarana iraisaina ireo Vehivavy Tiako i Madagasikara, manerana ny Kaominina 16 eto anivon’ny Distrika Antananarivo Avaradrano androany, fa manohana tsy misy fepetra ny Kandidan’ny Firaisankina Avaradrano Ofisialy, izay tarihin’Andriamatoa Avotraina Andriamosa sy Jimmy Randriantsoa.
Sanatria amin’izy ireo hoy hatrany ny Mpitarika raha handa ny fandaminana izay nataon’ny Mpitarika ity Antoko Politika manana ny lanjany eto Madagasikara, dia Andriamatoa Ravalomana Filoha Nasionaly ny Antoko Tiako i Madagasikara.
Nankahery ireo vehivavy TIM rehetra manerana an’i Madagasikara izy ireo, indrindra hankatok’izao fifidianana izay ho solombavambahoaka izao.
: Community Manager Firaisankina Avaradrano
