Nanatanteraka fambolen-kazo ny Fari-piadidiam-pampianarana Ambatondrazaka androany Alarobia 28 febroary 2024, tao Ambodiakondro amin’ny faritra izay misy ny ivon-toerana izay tantanin’ny orinasa JIRAMA eo amin’ny sehatra famokarana sy fanadiovana ary fikirakirana ny rano fisotro madio izay mamatsy ny mponina ao amin’ny Kaominina Renivohitra Ambatondrazaka tampon-tanànao.
Hetsika indrindra izay tafiditra amin’ny fanatanterahana ilay teny filamatra hoe : « Sekoly ivon’ny Fiaraha-monina, Mpianatra vonona sy vanona ho amin’ny Fampandrosoana lovain-jafy » amin’izao fankalazana ny andron’ny Sekoly izao.
Nanontrona sy nandray anjara tamin’izao hetsika fandrakofana ala an’i Madagasikara izao ihany koa moa ny talem-paritry ny fanabeazam-pirenena Alaotra Mangoro sy ny ekipany ary ireo avy amin’ny sekoly tsy miankina.
Nangonin’i Lova – Ambato
