Tontosa ny Alahady 24 Desambra 2023 lasa teo teo amin’ny Kianja Herisetra RAFANODINA, Commune Sabotsy Namehana ny lalao famaranana ny Ady Baolina Kitra nokarakarain’ny MPI.KI.TRA, na ny MPILALAO KITRA TRANAINY, eto SABNAM.
Lalao famarananana izay nifandonan’ny FC Lion Belanitra sy ny FC Ilafy, izay famerenana ny lalao, satria tsy tontosa hatramin’ny farany ny lalao izay natao ny faha 11 Desambra 2023 lasa nohon’ny rotsak’orana be loatra, ka izao naverina izao.
Fantatra fa ekipa 32 no nandray anjara tamin’ity Lalao Baolina tany am-piandohana, ka ireto Ekipa roa voatonina etsy ambony ireto no tody aty amin’ny famaranana.
Araka ny fanamarihan’Andriamatoa Ben’ny Tanana, , Andriamosa AVOTRAINA dia niakatra ny hahavo teknika sy ny faiza-manaon’ireo Taniketsan’ny Baolina kitra ety avaradrano ireto
Mialohan’ny lalao anefa, dia nisy ny fanomezana Marim-pankasitrahana sy lelavola hoan’i RAZANAMPARANY Ando, izay anisan’ny Ekipa nandrafitra ny Barea nandritra ny lalaon’ny Nosy natao farany teo, Izay marihina hatrany fa Zanaky ny Tanana avy eto Sabotsy Namehana ihany koa izy.
Taorian’izay, velona ny kiririoka, nanomboka avy hatrany ny lalao.
Samy nampiseho ny fahaiza-manao hananany avokoa ny roa tonta, ary hita ho samy manana ny hanitra ho azy, na somary nanindry aza ny ekipan’i FC Lion Belanitra. Nisy tandrevaka nataon’ny vodi-laharana FC Ilafy, nohararaotin’ireo Mpanafika FC Lion izany, nitsikobana ny arato, iray noho aotra ny baolina.
Namaly bontana ny FC Ilafy, ka nahazo « coup franc » rehefa nisy fanohanana tsy nety nataon’ireo vodi-laharana FC Lion Belanitra, nirivorivo ny daka baolina, nitsikobana koa ny harato , Iray sy Iray ny Baolina.
Dia iny isa iray sy iray iny no nisarahan’ny roa tonta tamin’ny fizaram-potoana voalohany.
Taty amin’ny Fizaram-potoana faharoa, dia nahatafiditra baolina roa nifanesy ny Ekipa FC Lion Belanitra, ary tsy niova intsony isa teny amin’ny tabilao, ka 3 noho iray hatrany ny isa hatramin’ny farany.
Mazava fa nivoaka Mpandresy ny FC Lion Belanitra.
Nisaotra ireo nandray anjara rehetra ny Ben’ny tanana, ary tsy hadinony ny nisaotra manokana ny Orange Madagascar izay nahohanasy nanao tantsoroka nandritra an’iny Open iny
Nangonin’ i ‘Lay Mahintsy
