𝐅𝐈𝐀𝐑𝐎𝐕𝐀𝐍𝐀 𝐍𝐘 𝐓𝐎𝐍𝐓𝐎𝐋𝐎 𝐈𝐀𝐈𝐍𝐀𝐍𝐀 | 𝐙𝐀𝐍𝐀𝐊𝐀𝐙𝐎 𝐌𝐈𝐈𝐒𝐀 𝟐𝟓𝟎𝟎 𝐅𝐎𝐓𝐎𝐓𝐑𝐀 𝐍𝐎 𝐕𝐎𝐀𝐓𝐒𝐀𝐓𝐎𝐊𝐀 𝐓𝐀𝐍𝐘 𝐌𝐀𝐍𝐓𝐀𝐒𝐎𝐀

Tonga nitarika izany ny Minisitra Mara Volamiranty Donna, notron’ireo mpiasa marobe eto anivon’ity Ministera ity, fa ankoatr’azy ireo, dia marobe ihany koa ny Fikambanana, Olon-tsotra, Mpanakanto, Mphira Gasy nanatevin-dahaharana ity fambolen-kazo ity.

Hita nanatanteraka ny adidiny hoan’ny Tanindrazana teny ihany koa ny Eipan’ny OJM sy ireo Mpanao Gazety amin’ny hainovakijery marolafy, izay notarihin’ny Filoha Monica HARIMBOLA RASOLOARISON.

Natao indrindra ho fitsinjovana ireo taranaka any aorina sy ho fiarovana ny tontolo iainana izay hita fa efa miha simba hatrany no anton’izao fambolen-kazo izao, hoy ny filazan’ireo sendra tafaresaka taminay.

Tiana ny mana-marika fa zanakazo miisa 2500 fototra no voatsatoka tamin’ity rodobe ity, ary tsy hijanona amin’ny fanatsatohana ihany fa hojerena akaiky ny fikarakarana azy ireo, araka ny nambaran’Andriamatoa Ben’ny Tanana ny Kaominina Mantasoa

Nangonin’ Lay Mahitsy