𝗘𝘁𝗮𝘇𝗼𝗻𝗶𝗮 – 𝗦𝗮𝗹𝗮𝗺𝗮 𝘁𝘀𝗮𝗿𝗮 𝗻𝘆 𝗳𝗶𝗹𝗼𝗵𝗮 𝗔𝗺𝗲𝗿𝗶𝗸𝗮𝗻𝗮 𝘁𝗲𝗼 𝗮𝗹𝗼𝗵𝗮 𝗗𝗼𝗻𝗮𝗹𝗱 𝗧𝗿𝘂𝗺𝗽!

☆Hatairana no nandrenesan`ny vahoaka Amerikana nanatrika ny fampielezan-kevitra nataon`ny filoha teo aloha, Donald Trump ny poa-basy nataon`olona iray nilasa hifofo ain`ny Kandida filoham-pirenena avy amin`ny antoko Repoblikanina ity omaly sabotsy 13 jolay tao Pennsylvanue. Nirefotra in-tsivy ny basy, naratra ny sofin`i Trump iray vokatra izany.

Salama tsara i Donald Trump na dia nisy ratra aza, hoy ny tompon`andraikitra manokana ny fiaraovana azy. Nanofahofa tanana ity filoha amerikana ity teo ampitondrasana azy ho tsaboina. Nampahery azy tamin`ny alalan`ny feo avo ireo mpanohana azy.

Fantatra koa fa maty ilay rangahy nanao asa ratsy, mbola mifamahofaho ny vaovao momba azy na namono tena na koa voatifitry ny mpiambina an`ny kandida Repoblikanina ity izy. Misy olona hafa maratra vokatry izany. Naneho ny tsy fankasitrahany zavatra izao ny filoha amperinasa, Joe Biden.