Afo mijoalajoala no nanaitra ny manodidina, hay ka ny Espace Dera eto Tsiadana no may, ary nohon’ny herin’ny afo dia niitatra tamin’ireo trano manodidina ka anisan’ny lasibatra tamin’izany ny Orin’asa misehatra amin’ny Call Center iray manakaiky an’io Espace Dera io.
Raha araka ny voalazan’ny Lehiben’ny Mpamonjy Voina, izay efa tronga teny an-toerana namono ny afo, dia tao amin’ny Lakozia ampiasain’ny Espace no nopoiran’ny afo, ary vetivety dia niitatra nameno ny trano manontolo, vokany may tsy nisy azo noraisiny avokoa ny entana rehetra tao amin’ity espace it, raha nisy kosa no avotra soa aman-tsara ny entana tao amin’ilay Orin’asa Call Center, izany dia vokatry ny fifanomezan-tanana misy eo amin’ny samy mpiasa.
Tombanana ho an-jatony ny tanora very asa nohon’ny fahavoazan’ity toerana malaza amin’ny fandraisana fivoriana sy fanomanana lanonana ity.
Ao anatin’ny fotoana maha-maro ny firehetana isika izao, ka tokony hitandrina hatrany ny rehetra
Nangonin’i ‘Lay Mahintsy
