𝗠𝗮𝗻𝗱𝗿𝗶𝘁𝘀𝗮𝗿𝗮 – 𝗠𝗮𝘆 𝘁𝗮𝗼 𝗮𝗻𝗮𝘁𝗶𝗻`𝗻𝘆 𝗳𝗼𝘁𝗼𝗮𝗻𝗮 𝗳𝗼𝗵𝘆 𝗻𝘆 𝗳𝗮𝗻𝗮𝗻𝗮𝗻`𝗻𝘆 𝗮𝗻𝗸𝗼𝗵𝗼𝗻𝗮𝗻𝗮 𝗶𝗿𝗲𝘁𝗼

✦Kilan`ny afo ny fananana tao an-tokantranon`ny raim-pianakaviana iray ao Ankitsikitsivaha fokontany Maroamboka distrikan`i Mandritsara. Afo miredareda no nivantanana raha sendra avy namonjy velontena omaly sabotsy tolakandro tamin`ny 2 ora sy 30 minitra. Tsy nisy olona firy teo an-tanana ka nanano sarotra fifehezana ny afo, hoy ireo nanatrimaso. Tamin`ny 4 ora vao maty tanteraka izany.

Tonga nijery ny zava-misy ny mpitandro filaminana, fantatra tamin`izany fa afo tamin`ny kitay avy nandrahoana sakafo no nitarika ny firehetana. « Sahirana izahay izao, may ao ny vola ikarakarana fidiran`ny zanakay 3, ny roa kambana vao hampidirana an-tsekoly hajanona » hoy ny renim-pianakaviana.

Miantso ny malala-tanana izy ireo hanampy.