TOLIARA MAINTSO
Hatao fomba fanao eo anivon’ny sampandraharaha misy eto Toliara ny fambolena hazo eny anivon’ny toeram-piasana tsirairay avy, io no nambaran’ny Governoran’ny Faritra Atsimo Andrefana raha nandray fitenenana nandritra ny fanokafana ny fambolen-kazo natao ho fanomezana kanto hoan’ny tananan’i Toliara izay nosantarina amin’ireny lalam-pirenena faha – 07 sy ny Faha 09 izay miditra sy mivoakan’ny Tananan’i Masoandro. Tonga maro ireo Mpiasam-panjakana, ireo tsy miankina fikambanana maro samy hafa androany maraina faha 05 May izay nanombohana ny fambolen-kazo ato anatin’ny Faritra.
Ny Talem-paritry ny Tontolo iainana sy Fampandrosoana Lovain-jafy no nikarakara ny hetsika mba ho fanatanteranana ny 100 andron’ny minisitera sy ho fanatsarana ny Tanandehibe.
Nangonin’i Job
