Nitsidika ny fokotany Andranotojy sy Betoboro ary Befasy ny kandida TSIRENGE Soafiavy Vinà izay natolotry ny IRMAR ao amin’ny kaominina ambanivohitra Befasy distrika Morondava izay notronon’ireo mpiaray fikambanana azy talo avy atsy amin’ny nosy La Réunion ka nijery manokana ny lafiny fampianarana nisy ny fanomezana fitaovana ho an’ireo mpianatra sy mpampianatra cahier sy stylo, crayon, gomme ary tsaoka , eo koa ny tafo ho an’ny sekoly ho an’ny Epp Betoboro, ary nampanatena koa moa izy ireo fa hanangana sekoly vonjimaika aloha hianaran’ireo mpianatra izay mianatra eo ambany kily ary notolorana solaitra be ihany koa izy ireo satria dia varavana no solaitra be nampiasain’izy ireo atao ny sekoly vonjimaika aloha fa tsy maintsy haorina ny tena sekoly ho an’ny fokotany Andranotojy hoy Ramatoa kandida Tsirenge Soafiavy Vinà satria ny ezaka hatao hoy izy rehefa lany ben’ny tanana izy dia ny fampianarana sy fahasalamana ary ny fandriam-pahalemana sy ny fambolena fa alohan’izay hoy izy dia atao izay azo atao miaraka amin’ireo tsara sitrapo sy izay malalan_tanana.
Vonona hampadroso ny kaominina ambanivohitra Befasy ny tenako hoy hatrany Ramatoa Tsirenge Soafiavy Vinà ary ireo mpiara miobon’antoka koa vonona hanampy azy na ny avy eto an-toerana na ireo avy any ivelany.
Faly sy ravo moa ireo mpianatra sy mpampianatra ary ireo ray aman-drenin’ny mpianatra fa mbola tsy nisy nijery azy ireo toy izao ary vonona hiara-dia amin’ity kandida ity izy ireo, ankoatran’ireo fitaovana moa dia nisy koa ny fizarana goûter ho an’ireto mpianatra tao Andranotojy sy Betoboro ary ny tao amin’ny CEG Befasy.
Nangonon’i RA PA
