✅Tonga nitsidika ny faritra Menabe ny andron’ny alakamisy faha 21 Martsa 2024 ny minisitrin’ny rano sy ny fanadiovana ary fidiovana Andriamatoa Fidiniavo Ravokatra izay notronon’andriamatoa Haja Resampa minisitrin’ny tanora sy ny fanatanjahan-tena Haja izay minisitra mpiahy ny faritra Menabe nandritra izao fandalovany izao no nitokanana ireo fotodrafitr’asa ho an’ny rano fisotro madio fanadiovana sy fidiovana tao amin’ny kaominina ambanivohitra Analaiva sy Bezezika sy Ampanihy ka mponina maherin’ny iray alina no nahazo rano fisotro madio fanadiovana sy fidiovana mponina maherin’ny iray alina amin’ireo kaominina telo ireo moa no nisitraka izay fotodrafitr’asa izao niaraka tamin’izany ihany koa no nanolorana « bloc sanitaires » miisa telo ho an’ny sekoly Epp Anjatelo sy Epp Mihary ary Epp Bezezika ka mpianatra miisa 1041 no nisitraka izany, izao moa no tanteraka dia nohon’ny fiaramiasa misy eo ministera sy ONG HELVETAS izay niantoka ny 70 isan_jaton’ny fandaniana tamin’ny fanatanterahana ny asa raha 30 isan_jato no avy amin’ny kaominina.
✅ 54 isan_jaton’ny mponina eto Madagasikara no efa misitraka rano fisotro madio ankehitry raha 39 isan_jato monja izany roa taona lasa ka nitondra hafa ho an’ireo mpisitraka Andriamatoa minisitra Fidiniavo Ravokatra ny mba hikojakojana ireo fotodrafitr’asa ireo, velom_pisaorana moa ireo mpisitraka satria ary nilaza ny ben’ny Tanànan’ny kaominina ambanivohitra Analaiva fa raha ny rano maloto no nosotroina hatramin’izay satria dia iny ranon’ny Dabara iny no nosotroina sy nampiasana hatramin’izay dia izao vao nisitraka ny zo fototra hisitraka rano fisotro madio ny mponina tato anatin’ny roa taona dia kaominina ambanivohitra 21 ato amin’ny faritra Menabe no nisitraka rano fisotro madio nohon’ny ezaky ny ministeran’ny rano sy ny fanadiovana ary fidiovana tamin’ny alalan’ny fitaleovam_paritrin’ny rano fanadiovana sy fidiovana Menabe vatsin’ny Ong Helvetas; izany ireto vao notokanana sy natolotra ireto.
✅ Nitondra hafatra ho an’ny olom_pirenena feno taona ihany koa ny minisitra Fidiniavo Ravokatra mikasika ny hiatrehana fifidianana Solombavambahoaka ny 29 Mai izao ka nilazany fa malalaka ny rehetra amin’ny safidiny saingy mangataka izy ny hifidianana Solombavambahoaka manohana ny fitondrana satria raha ny mpanohitra hoy izy no ho laniana dia zavatra mifanohitra sarotra hiara_dia ka sarotra ny hametraka fampandrosoana amin’izay.
✅ Ny fotoana androany moa dia natrehan’ireo solon_tenam_panjakana ato amin’ny faritra Menabe izay notarihin’ny Préfet an’ny Morondava sy ny Governoran’ny faritra Menabe ary ireo mpisitraka ny fotodrafitrasa, betsaka no efa vita hoy izy ary mbola betsaka koa ny mbola miandry ka manatena ny fiarahamiasa hitohy hatrany ny minisitra mba hanatsatrarana ny vina hoe ny taona 20030 efa misitraka rano madio avokoa ireo mponina ato Menabe.
✅Nilaza moa ny minisitra mpiahy ny faritra Menabe Andriamatoa Haja Resampa fa miezaka izy ny mampita ny marary ny vahoakan’ny Menabe amin’ireo minisitra tompon’andraikitra isaky ny ministera tsirairay avy satria izay no maha minisitra mpiahy azy.
Nangonin’i Ra-Pa Menabe
