𝑴𝒂𝒓𝒐 𝒏𝒚 𝒔𝒆𝒉𝒂𝒕𝒓’𝒂𝒔𝒂 𝒇𝒂𝒎𝒑𝒂𝒏𝒅𝒓𝒐𝒔𝒐𝒂𝒏𝒂 𝒎𝒊𝒂𝒏𝒅𝒓𝒚 𝒏𝒚 𝑩𝒆𝒏’𝒏𝒚 𝑻𝒂𝒏𝒂̀𝒏𝒂.

Natao androany 24 janoary ny famindram-pitantanana teo amin’ny Ben’ny Tanàna mpisolo toerana Atoa RAKOTOSON Rolland Kolonely misotro ronono sy Atoa RASAMIMANANA Honoré Gabriel na Dokotera Unoh Kandidà IRMAR(Isika Rehetra Miaraka Amin’i Andry Rajoelina).

Izay voafidy fanindroany hitantana ny Kaominina Antsirabe I.Notanterahina tao amin’ny efitrano malalaky ny Lapan’ny Tanàna. Nisolo tena ny minisitry ny atitany sy ny fitsinjaram-pahefana nandritra izany Atoa RAKOTOVAO Vy Vato Governora Faritra Vakinankaratra. Natrehin’ny olomanan-kaja,manamboninahitra sivily sy miaramila ary Raiamandreny am-panahy avy eto an-toerana,nontronin’ny mpiasan’ny Kaominina.

Didim-pitsaràna nolazaina ampahibemaso ny 17 janoary lasa teo tany Antananarivo no manambara ny nahavoafidy an’i Dokotera Unoh tamin’ny fifidianana Kaominaly natao ny 11 Desambra 2024 ka nahazoany mpifidy miisa 19852 raha toa ka 45942 ny naneho ny safidiny.Mpanolotsaina 09 IRMAR,08 Firaisan-kina Ary 02 Mahaleo tena.

Hitohy ny asa fampandrosoana.

Tsy mora ny asa miandry ny mpitantana amin’ny fanatsaràna sy fampivoarana ny Tanànan’Antsirabe araka ny fantatra. Nanambara anefa ny Ben’ny Tanàna voafidy fa vonona hanohy ny asa fampandrosoana. Nanentana ny mponina izy hampanjaka ny fihavanana sy ny firaisan-kina ho fitadiavam-bahaolana amin’ny famitàna n’y asa. Tanjona ny hisitrahan’ny vahoaka manerana ny Kaominina Antsirabe I ny fandrosoana.

Betsaka ny tetikasa ho tanterahina.

Hatao fitaratra na « Pilote » amin’ny fampandrosoana i Antsirabe ka hisy ny fanorenana Toby goavana hanodinana ny fako ho lasa zezika,hampiavaka ny Tanàna satria anisany lehibe indrindra aty amin’ny firenena anatin’ny SADEC hoy hatrany ny Ben’ny Tanàna. Ankoatr’izay ny programan’asa PADEV (Programme D’apport de Développement de la Ville) nahazoana ny fankatoavan’ny mpamatsy vola Ary ny fandaharan’asa iarahana amin’ny AFD (Association Française de Développement).