Manoloana ny fitomboanβny tranga tsy fandriam-pahalemana izay nitranga nisesisesy tato anatinβny herinandro vitsivitsy tao aminβny Distrikanβi Marolambo, dia nivoaka taminβny fahanginany ny Solombavambahoaka voafidy ao an-toerana, Randrianasolo Augustin.
Araka ny fanambarana nataony, dia nanamarika izy fa mampanahy lalina ny firongatry ny asan-jiolahy sy ny tsy fahamarinan-toerana eny aminβny fokontany sasany, izay miteraka tahotra sy ahiahy ho anβny mponina. Nambarany fa tsy azo ekena intsony ny fahanginana manoloana izao toe-draharaha izao, indrindra fa aminβny maha solontenanβny vahoaka azy.
Nanazava izy fa efa nisy ny fifampidinihana nataony taminβireo tomponβandraikitra isan-tsokajiny, anisanβizany ny mpitandro filaminana sy ny manampahefana eo anivonβny distrika, mba hitadiavana vahaolana maika sy maharitra. Tanjona aminβizany ny fametrahana fandriam-pahalemana maharitra sy ny famerenana ny fitokisanβny mponina aminβny rafitra miaro azy ireo.
Ankoatra izany, dia niantso ny rehetra izy mba hiara-hientana aminβny ady aminβny tsy fandriam-pahalemana, aminβny alalanβny fiaraha-miasa akaiky eo aminβny vahoaka sy ny mpitandro ny filaminana. Notsindriany fa andraikitry ny tsirairay ny mandray anjara aminβny fitandroana ny fandriampahalemana, satria fototra iorenanβny fampandrosoana izany.
Eo am-pamaranana, dia nanome toky Randrianasolo Augustin fa hanohy hanara-maso akaiky ny zava-misy izy, ary tsy hitsahatra hitaky vahaolana mazava sy haingana ho anβny mponinβi Marolambo, mba hahafahanβizy ireo miaina am-pilaminana sy miverina aminβny andavanandrony tsy misy tahotra.
Nangonin’ Lay Mahitsy
