Androany, 29 Martsa 2024, tetsy amin’ny efitrano Malalaky ny Mada Hotel Ambohimangakely no nifanao fotoana hanao fihaonana sy hifampitafatafa ary indrindra fa ho fifampiarabana samy eo amin’ny Mpikambana ny Fikambanana « Ovaintsika ny Tanana » izay tarihin’Andriamatoa RADAFY Thiery, Ben’ny tanana ny Kaominina Ambohimangakely.
Mpikambana miisa 1000 eo ho eo no tonga nanatrika ity fihaonana ity, ary hita soritra eny amin’ny endrik’izy ireo ny fanantenana fa tena samy vonona hanova ny tanana arak any anarana isaloran’izy ireo.
Nandritra ny lahateny nataon’Andriamatoa Ben’ny tanana no nanatitraterany fa tsy nitsanga-menatra ity Fikambanana ity raha nofidin’ny vahoaka hitantana ny tanana 4 taona lasa izay, ka mampirehareha izany, ary nisaorany manokana ireo niara-niasa taminy , izay nanao soroka miara-milanja sy tongotra miara-mamindra tamin’ny fanatanterahana ny vina « Ovaintsika ny tanana »
Tamin’ny famaranana ny lahateniny, dia nohatitrateriny fa tsy hitandro hasasarana izy ain’ny fampandrosoana hoan’Ambohimangakely, ary maninona mhintsy raha hitarina mankaty amin’ny Distrika Antananarivo Avaradrano iray manontolo, tsy hikely soroka aho hoy izy raha nandray fitenenana, raha resaka fampandrosoan’ny tanana no resaka, fa hanao izay tratry ny herika ho fanatanterahana izany
Nangonin’ Lay Mahintsy
