𝗠𝗼𝗿𝗼𝗻𝗱𝗮𝘃𝗮 : 𝗡𝗮𝗻𝗮𝗼 𝘀𝗼𝗻𝗶𝗮 𝗳𝗶𝗮𝗿𝗮𝗵𝗮-𝗺𝗶𝗮𝘀𝗮 𝗻𝘆 𝗠𝗶𝗻𝗶𝘀𝘁𝗲𝗿𝗮𝗻’𝗻𝘆 𝗧𝗼𝗻𝘁𝗼𝗹𝗼 𝗜𝗮𝗶𝗻𝗮𝗻𝗮 𝘀𝘆 𝗻𝘆 𝗢𝗡𝗚 𝗙𝗔𝗡𝗔𝗠𝗕𝗬 𝗠𝗔𝗜𝗧𝗦𝗢 𝗵𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗳𝗮𝗻𝗮𝗯𝗲𝗮𝘇𝗮𝗻𝗮 𝗮𝗿𝗮-𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮

Dingana iray lehibe amin’ny fanamafisana ny fiarovana ny tontolo iainana sy ny fitantanana maharitra ny harena voajanahary no tontosa tao Morondava, nandritra ny fanamarihana ny 𝐀𝐧𝐝𝐫𝐨 𝐌𝐚𝐧𝐞𝐫𝐚𝐧𝐭𝐚𝐧𝐲 𝐡𝐨 𝐚𝐧’𝐧𝐲 𝐓𝐨𝐧𝐭𝐨𝐥𝐨 𝐈𝐚𝐢𝐧𝐚𝐧𝐚 (𝐉𝐌𝐄), ny 𝐀𝐧𝐝𝐫𝐨 𝐈𝐫𝐚𝐢𝐬𝐚𝐦-𝐩𝐢𝐫𝐞𝐧𝐞𝐧𝐚 𝐡𝐨 𝐚𝐧’𝐧𝐲 𝐊𝐚𝐫𝐚𝐳𝐚𝐧𝐣𝐚𝐯𝐚𝐦𝐚𝐧𝐚𝐧𝐚𝐢𝐧𝐚 (𝐉𝐈𝐅) ary ny 𝐀𝐧𝐝𝐫𝐨 𝐌𝐚𝐧𝐞𝐫𝐚𝐧𝐭𝐚𝐧𝐲 𝐇𝐢𝐚𝐝𝐢𝐚𝐧𝐚 𝐚𝐦𝐢𝐧’𝐧𝐲 𝐅𝐢𝐡𝐚𝐧𝐠𝐚𝐳𝐚𝐧𝐚𝐧𝐚 sy ny 𝐇𝐚𝐢𝐧𝐭𝐚𝐧𝐲 (𝐉𝐌𝐃𝐒).

Isany nisongadina tamin’io fankalazana io ny fanaovan-tsonia 𝐟𝐢𝐟𝐚𝐧𝐚𝐫𝐚𝐡𝐚𝐦-𝐩𝐢𝐚𝐫𝐚𝐡𝐚-𝐦𝐢𝐚𝐬𝐚 teo amin’ny 𝐌𝐢𝐧𝐢𝐬𝐭𝐞𝐫𝐚𝐧’𝐧𝐲 𝐓𝐨𝐧𝐭𝐨𝐥𝐨 𝐈𝐚𝐢𝐧𝐚𝐧𝐚 sy ny 𝐎𝐍𝐆 𝐅𝐀𝐍𝐀𝐌𝐁𝐘 𝐌𝐀𝐈𝐓𝐒𝐎, fiaraha-miasa izay mikendry ny hanamafy ny fanabeazana ara-tontolo iainana sy hampiroborobo ny kolontsain’ny fiarovana ny zavaboary eny anivon’ny fiarahamonina.

Anisan’ny tanjona lehibe amin’ity fiaraha-miasa ity ny fanapariahana ny tetikasa 𝐆𝐫𝐞𝐞𝐧 𝐀𝐜𝐭𝐢𝐨𝐧 𝐒𝐜𝐡𝐨𝐨𝐥, izay natao hampivelatra ny fahalalan’ny mpianatra sy ny tanora momba ny fiarovana ny tontolo iainana, sady hanabeazana olom-pirenena tompon’andraikitra sy manana toe-tsaina manaja ny harena voajanahary.

Araka ny fanazavana nandritra ny lanonana, ny fanabeazana ara-tontolo iainana no iray amin’ireo fototra lehibe hahafahana miatrika ireo fanamby ateraky ny fiovan’ny toetrandro, ny fahasimban’ny ala, ny fahaverezan’ny karazanjavamananaina ary ny fihanaky ny haintany. Izany indrindra no antony hametrahana fiaraha-miasa maharitra eo amin’ny fanjakana sy ireo mpiara-miombon’antoka amin’ny fampandrosoana.

Manamafy ny finiavany ny Ministeran’ny Tontolo Iainana sy ny ONG FANAMBY MAITSO fa ny fananganana taranaka mahafantatra sy miaro ny tontolo iainana dia isan’ireo antoka lehibe hiantohana ny fampandrosoana maharitra eto Madagasikara.

Natao tao Morondava ny fanaovan-tsonia ny 29 Jona 2026, tao anatin’ny hetsika ofisialy nanamarihana ireo andro iraisam-pirenena natokana ho an’ny tontolo iainana sy ny fiarovana ny harena voajanahary.