Toin’ny faritra rehetra dia nankalaza ny andro 16 andro iaraha-mientana amin’ny ady atao amin’ny herisetra ny tato amin’ny faritra Menabe izay niarahan’ny fitaleovam-paritry ny mponina sy ny serasera ary ny tanora sy ny fanatanjahan-tena izay notohanan’ny USAID Acces s sy ny Orange Madagascar ary ny Snack Bar RIOTSY.
Maro ny hetsika natao izay nosantarina tamin’ny fankalazana ny andro iraisam-pirenena hanafoanana ny herisetra atao atao amin’ny vehivavy sy ny ankizy vavy nitohy tamin’ny fidinana ifotiny izay nanaovana fanentanana sy fampihofanana ireo ray aman-dreny sy ankizy ary ny tanaora ary ny fifaninana ara-kolon-tsaina nahitana hira sy tononkalo izay nivohizana ny resaka ady amin’ny herisetra.
Izany dia nivelatra tamin’ireo distrika mandrafitra ny faritra Menabe ary isany nampiavaka ny hetsika tamin’ity taona ity dia nitohy hatrany ny hetsika isan’andro eny fa na dia ny alahady aza ary tsy mifidy ora ka mihoatra ny zato isan-jatony tanjona napetraka.
Ny sabotsy faha 09 Desambra no nanaovana ny famaranana ny hetsika izay nanaovana ny famaranana ihany koa ny fifaninana ireo hira sy tononkalo tao amin’ny trano filanonana Snack Bar RIOTSY notronon’ireo tanora sy ray aman-dreny maro isan-karazany ary tsy rava raha tsy tamin’ny sivy ora sasany alina.
Tiana ny manamarina fa isan’ireo trano filanonana mahazo olona maroindrindra fa ny tanora isan’andro eto Morondava ny Snack Bar RIOTSY ary tsy mihidy hatramin’ny maraina raha mbola misy olona mifety sy misotro ao aminy ka izay no nahatonga ny famaranana ny hetsika notanterahina tao ; tsy mijanona hatreo anefa ny hetsika hoy ny talem-paritry ny mponina sy ny fiahiana ny vehivavy ato Menabe fa fanairana ihany iny hetsika iny fa ny fanentanana dia mitohy mandavan-taona ka miantso ny rehetra handray andraikitra hiara hiady amin’ny herisetra.
Nangonin’i RaPa Menabe
