Tontosa ny Alakamisy 4 Oktobra 2024 tontolo andro ny fampihofanana ireo tantsaha maro be tao @ fokontany Mandrosoa Ambohitrolomahitsy Manjakandriana mahakasika ny fanamboarana savony hidiovana sy fampiasa @ filan’ny mponina @ andavanandro.
Miisa 80 ireo tantsaha nandray anjara t@ ity fiofanana savony sy ranon-tsavony ity Ary hoentin’izy ireo hampiarina @ fiananany andavanandro izany raha toa ka ao ihany koa ireo mikasa hanao fampidiram- bola mahakasika azy ity.
Nanambara ny mpampiofana Lalaina RABEZANAHARY fa afaka atao vadin’asa tsara eto @itsika ny karazana fiofanana tahaka itony fa indrindra ny eny @ tontolo ambanivohitra izay lavitra mpivarotra sns.
Ny » Association SAKAIZAN’I BOSCO » no nikarakara ity fampihofanana ity Ary nividy ireo akora rehetra ilain’ny tantsaha ahafahana manantontosa izany.Ankoatra ny fampihofanana,hiditra lalina @ ny famaliana ireo fangatahin’ny mponina maro be ao an-toerana mahakasika ny fotodrafitrasa sy ny sosialy ary ny fampihofanana maro samy hafa ny Association SAKAIZAN’I BOSCO manomboka eto.
Nangonin’i Malala Tsa
