Taorin’ny fihatrehana ny rano be teto Morondava dia miroso amin’ny fanatanterahana ireo fampanan-tenana nataony tamin’ny vahoaka nandritran’ny fampielezan-kevitra ny solombavambahoakan’ny Madagasikara voafidy tato amin’ny Distrikan’ny Morondava ka ny lafiny fanabeazana no nanombohany izany amin’ny alalan’ny fitsidihana ireo kaominina ka miara-dia aminy amin’izany ny talemparitry ny fanabeazam-pirenena ato Menabe sy ny talemparitrin’ny rano fidiovana sy fanadiovana ato Menabe.
Mandritra izany dia misy ny fanolorana dablio ho an’ny EPP sy CEG izay avy amin’ny minisiteran’ny fanabeazam-pirenena kaeampian’ny avy eo anivon’ny fitaleovam-paritry rano fidiovana sy fanadiovana fitaovana fanasana Tanana sy savony ary ny solombavambahoaka kosa dia manome solo-saina sy imprimante ary fitaovam-panatajahan-tena ho an’ny sekoly sy jiro mandeha amin’ny herin’ny masoandro ho an’ny kaominina. Ka ny andron’ny talata sy alarobia dia tao amin’ny kaominina ambanivohitra Bemanonga sy Analaiva no nisitraka izany ary nandritra izany koa no nihenoiny ny hetahetan’ireo FEFFI sy ray aman-dreny ary ireo mpampianatra sy ny mponina nisy ireo tonga dia voavaly avy hatrany fa ao kosa ireo tsy maintsy tanterina amin’ny tompon’andraika manandrify azy satria izay no asan’ny solombavambahoaka.
Noresahina ihany koa mikasika ireo foto-drafitr’asa efa vita ato Menabe fa nohon’ny fotoan’ny fampielezan-kevitra sy fifidianana teo dia tsy afaka natao ny fitokanana azy ireny , fa an-kehitriny dia efa eo am-pandamianana ny fitokanana azy ireny ny tompon’andraika ary manaramaso ireny foto-drafitr’asa ireny ny tenany mba ho mendrika ny vahoakan’ny Morondava.
Izao no atao hoy izy dia ny fanatanterahana ny torimariky ny filoham-pirenena ny tokony hidinan’ny tompon’andraika rehetra na olom-boatendry na olom-boafidy hidina hifotiny ary hiara-hiasa.
RA PA
