SEKOLY AMBONY KATOLIKA ASJA MORAMANGA

173 0

Nisokatra tamin’ny fomba ofisialy n’y Alatsinainy faran’ny volana septambra teo ny « université catholique ASJA Moramanga », sekoly Ambony eo ambanin’ny fiahian’i DON BOSCO.

Lanonana notarihan’i Evekan’ny Diosezin’i Moramanga Son Excellence Monseigneur ROSARIO Saro Vella, notron’ny fianakaviambe ny sekoly, ny Mpitantana, Mpanabe ary ireo tanora mpianatra vaovao hisantatra ny sekoly hoan’ny taona voalohany (L1) Droit, Économie et Commerce no lalam- pihofanana hoan’ny taona akademika 2024-2025.Ao amin’i Saint Joseph no ivon- toeram-pampianarana.

Niainga tamin’ny teny Faneva  » Fiainana sy Fanantenana » no namelabelaran’ i Eveka ireo hafatra maro mifono hanatra an’ireo Tanora sy ny Mpuandraikitra rehetra, mialohan’ny nanomezany tso- drano azy ireo.
Tonga nanome voninahitra sy nifanotrona tamin’ny Fianakaviambe ny Sekoly ny Solombavambahoaka Lova Herizo RAJAOBELINA. Nandritra ny fandraisam- pitenenany no nilazany fa tombony lehibe hoan’ny Faritra sy ny Firenena ny fijoroan’ny Oniversite ASJA. Indrindra hoan’ireo Ray aman- dReny tsy mba manana fahafahana noho ny fahasahiranana amin’ny handefasana ireo zanany handrato fianarana an- tany lavitra.

Ny toeram-pampianarana KATOLIKA manerana ny Nosy dia manana ny lanjany sy matihanina eo amin’ny sehatry ny fampianarana sy fanabeazana.
Mirary soa hoan’ireo Tanora mpianatra hisantatra ny sekoly, ho tafita soa.

Nangonin’i Juanita RAKOTOARIVAO

Related Post

𝐃𝐑𝐄𝐍 𝐌𝐄𝐍𝐀𝐁𝐄 𝟕,𝟗𝟎% 𝐀𝐌𝐈𝐍’𝐈𝐑𝐄𝐎 𝐌𝐏𝐀𝐌𝐏𝐈𝐀𝐍𝐀𝐓𝐑𝐀 𝐀𝐓𝐎 𝐌𝐄𝐍𝐀𝐁𝐄 𝐈𝐇𝐀𝐍𝐘 𝐍𝐎 𝐌𝐏𝐈𝐀𝐒𝐀𝐌-𝐏𝐀𝐍𝐉𝐀𝐊𝐀𝐍𝐀

Posted by - janvier 24, 2025 0
Nanantanteraka fiarabana tratrin’ny taona ny fitaleovam-paritry ny fanabeazam-pirenena ato Menabe niaraka tamin’ny farimpiadidiam-pampianarana Morondava ka nandritra izany no nitondran’ny talem-paritra…