Misy voay mpikambana ao amin’ny fanoherana ka ny tongony iray hita ampahibemaso ao amin’ny fanoherana ary ny tongony iray any amin’ny fitondrana hoy ny mpikambana iray ao amin’ny antoko TIM, Rado RAMPARAOELINA.
Maro ireo mpikaraman’ady politika ka mahatonga ny fahalemen’ny fanoherana hoy izy satria ny fivoriana ataon’ny mpanohitra dia voatatitra any amin’ny olona toherina ataon’ny sasany fakana vola.Notsipihany ihany koa fa efa nisy foana ny fikomian’ny vahoaka tamin’ireo fitondrana nifanesy teto amin’ny firenena saingy matoa mahazo hery na mahomby dia misy mpamatsy vola.
Manoloana ny fanambarana samihafa ataon’ireo mpanohana ny fitondrana amin’izao akaiky fivoahan’ny valim-pifidianana izao kosa indray ,nanambara i Rado RAMPARAOELINA fa fanariana dia ny olona mba tsy hifantoka amin’io resaka fifidianana io no anton’izany .
Nasiany resaka ihany koa akoatr’ireo ny momba ny antso fifampidinihana tarihan’ny HPM-ACS-FMET-RIMM izay hanasana ireo hery velona eto amin’ny firenena, mila fantariana tsara hoy izy ireo antoko lehibe sy matanjaka fa raha tsy mandray anjara ireo dia tsy hisy akony.
Nangonin’ i M.Elvina
