Efa nigadona tao amin’ny renivohitry ny faritra Boeny omaly hariva ny filohan’ny fanavaozana ny Repobliakan’i Madagasikara ny Kolonely Michaël Randrianirina sy ny vadiny. Hita niara-dia tamin’izy ireo ihany koa ny mpanolotsaina Avon’ny fanavaozana ny Repobliakan’i Madagasikara. Tazana nanotrana ity lanonana manetriketrika any an-toerana ity ny mpikambana maromaro, eo anivon’ny governemanta sy ny filohan’ny Antenimerampirenena, ary ireo solombavam-bahoaka miisa 80.
Marihina hatrany, fa tafapetraka amin’ny fomba ofisialy omaly Alatsinainy faha 25 Mai taona 2026 ny filoha lefitry ny Antenimerampirenena ato anatin’ny faritanin’i Mahajanga Atoa Afakandro CHRISTIAN. Anisan’ny nosalorana samboady ihany koa ireo solombavam-bahoakan’i Madagasikara, voafidy tao Mahajanga voalohany, Analalava, Mitsinjo. Tsy diso anjara nandritra izao lanonana izao ny fanolorana tamin’ny fomba ofisialy ny lehiben’ny faritra Boeny mpisolo toerana.
Eto am-pamaranana ny lahatsoratra dia tsara ny mampahafantatra, fa teny amin’ny » Village Touristique Mahajanga no nanatanterahana ny lanonana rehetra voalaza esty ambony.
Zandry be Tantely & Zandry kely Konka
