Aminβizao fankalazana ny alatsinainβny PentekΓ΄ty izao, dia nampitombo ny fepetra fiarovana eny aminβny morontsirakβi Mangily sy Madiorano, any Toliara, ny DΓ©tachement Naval Toliara, mba hiantohana ny filaminana sy ny fiarovana ireo mpitsangatsangana sy mpilomano maro mamonjy ny tora-pasika.
Araka ny vaovao voaray, dia nahetsika manokana ireo mpitandro filaminana an-dranomasina sy ireo fitaovana famonjena aina ary vonjy taitra, hiatrehana izay tranga mety hitranga eny an-toerana.
Ireo hetsika ireo dia tanterahina eo ambany fibaikoanβny Lieutenant de Vaisseau ANDRIANIAINA Marinot LΓ©onid, Kaomandinβny DΓ©tachement Naval Toliara.
Tanjonβny hetsika ny hahafahanβny rehetra mankafy ny ranomasina sy ireo toerana fizahan-tany aminβny fomba milamina sy azo antoka, sady hisorohana ireo loza mety hateraky ny filomanosana na ny fivezivezena an-dranomasina mandritra izao fotoana fialantsasatra izao.
Manentana hatrany ny tomponβandraikitra mba samy hitandrina sy hanaja ireo toromarika momba ny fiarovana eny amoron-dranomasina ny rehetra.
: Tafika andanomasinaNangonin ‘Lay Mahitsy
