Nanolotra fitaovam- pitsaboana ho an’ny Hopitaly Miaramila ( HOMI) eto Antsiranana ny Fikambanana « Lions Club International « , eto Antsiranana izay tarihin’ny Filoha Docteur BARIVELO Diazan.
« Échographie » ( 1) na fitaovam- pizahana fahasalamana , sy fanafody maro isan- karazany miisa 19 « carton » entina hitsaboana ny marary no natolotra androany Zoma 06 Jona 2025.
Tsy hijanona amin’izao ny fiaraha- miasa eo amin’ny Lions Club International sy ny HOMI eto Antsiranana hoy ny fanazavan’ny Filohan’ny Lions Club eto an- toerana fa mbola hifohy hatrany.
Manana olana amin’ny herinaratra ( JIRAMA ) anefa ity hopitaly ity , indrindra amin’izao fahatapatapahan’ny Herinaratra izao satria mbola miankin- doha amin’ny JIRAMA hatreto.
Nagonon’i Sela Fanambarana
