Tsiahivina fa lasan’ny dahalo i Zafindrafaly, zaza varira 08 taona ny Asabotsy 12 Oktobra 2024 lasa teo tao Mahitsy fokontany Fotsivavo Lohafary distrikan’i Vangaindrano. Tsy niraviravy tanana ny zandary nanao ny fikarohana.
Ny Alatsinainy 21 oktobra tamin’ny 09 alina no nalefa tany Anilobe, Vohitrambo ny zandary 15 notarihin’ny Cdt Cie nanao velapandrika hanavotana ilay varira sy hisambotra ny dahalo.
Avotra ilay zaza nalaina ankeriny saika hamidy. Dahalo miisa 02 no lavo nandritra ny fifandonana. Olona 06 no voasambotra ka 04 dahalo nanafika, ny 02 vehivavy niray tsikombakomba nanafina ilay zaza sady vadin’ireto dahalo ireto. Tratra tamin’ izany koa ny basy vita gasy miisa 02 sy mohara.
Nentina tany amin’ny mpitsabo ilay zaza ary halefa any amin’ny toby fitaizana azy ireo.
Marihina fefa namono ny sefo fokontany tao Soaserana Lopary ireto dahalo ireto. Efa naka ankeriny zaza varira tao Ranomena Bevata koa izy roalahy maty ireto ary ikoizana amin’ny halatr’omby koa.
Efa nandrasan’ny fokonolona hatao fitsaram-bahoaka kinanjo efa lavo tamin’ny fifandonana.
Mitohy ny ezaka sy hazalambo ireo mbola tsy tratra.
Namanao ny zandarimaria.
Loharanom-baovao : Zandarimariam-pirenena
