Fikaonan-doha iraisam-pirenena momba ny teny sy haisoratra Malagasy ary ny fikarohana ara-tsiansa

🔴 Notontosaina nandritra ny 2 andro omaly sy androany 27 Martsa 2026 ny fikaonan-doha iraisam-pirenena momba ny teny sy haisoratra Malagasy ary ny fikarohana ara-tsiansa. Hetsika izay tafiditra indrindra ao anatin’ny fankalazana ny faha-100 ny Profesora Rajaona Siméon Régis.

🔴  Nitondra ny lohateny hoe : « Ny teny sy ny haisoratra malagasy ary ny fikarohana ara-tsiansa momba izany » izay karakarain’ny Zana-tsehatra ary ny komity mpikarakara ny fankalazana.

🔴 Nandritra izany no nihaon’ireo mpikaroka maro sy nanaovana fandinihana indray  ireo hary navelan’ny Profesora Rajaona Siméon Régis, mikasika ny teny malagasy satria izy no lohalaharana tamin’ny fandinihana ny hain-teny teny amin’ny Oniversiten’ Antananarivo ary nanangana ny Zana-tsehatra malagasy sy malagasy voalohany « Doyen » teto amin’ny Oniversiten’i Madagasikara.

🔴 Hampiasain’ny Zana-tsehatra ho entiny miatrika ny ho avy ny tsoa-kevitra mikasika ity fikaonan-doha ity . Ho raiketana am-boky ny fikaonan-doha  holovain’ny taranaka sy amin’izay sehatra rehetra mifanandrify amin’ny fikarohana .

🔴 Marihana fa hisy ny fifaninanana asa soratra izay tapitra amin’ny volana jona 2026 hanehoana sy hanomezana lanja an’ireo mpanoratra Malagasy ka fanotana boky hampiasaina amin’ny fampianarana sy fikarohana ary fahaliana mikasika ny literatiora no loka azo.

✏ Me