FORT-DAUPHIN…
FANOLORANA JIRO MANDEHA AMIN’NY HERIN’NY MASOANDRO HÔ AN’IREO BEN’NY TANÀNA -FARITRA ANÔSY -16 MAY 2025-.
Notolorana jiro mandeha amin’ny herin’ny masoandro miisa 6 avokoa ireo Ben’ny tanàna eny anivon’ireo Kominina 69 ato anatin’ny Distrika 3 (Betroka , Amboasary Atsimo, Tolagnaro) mandrafitra ny Faritra Anôsy.
Ireo Ben’ny tanàna 29 ato anatin’ny Distrikan’i Tolagnaro no namaranana ny fizarana izany , raha toa ka efa nisitraka izany ireo Ben’ny tanàna any amin’ny Distrika 2 hafa tamin’ny 08 May 2025.
Ny Governoran’ny Faritra Anôsy Ramatoa Voahary RAKOTOVELOMANANTSOA no nanolotra ireto jiro ireto tamin’ny anaran’ny Fitondram-panjakana ao anatin’ny fanatanterahana ny vinan’ny Filoham-pirenena Andry RAJOELINA : tsy misy Distrika hadino, tsy misy Kominina hadino eo amin’ny sehatry ny fampandrosoana.
« Ny fahazavana ihany no afaka mandresy ny aizina »
Nangonin’i ARRONE KENNEDY (Faritra Anôsy).
