Vory lanona teny amin’ny CCI Ivato ireo mpino silamo malagasy omaly alahady 24 Novambra 2024 nandritra ny lanonana fanamarihana ny faha_50 taona nijoroan’ny FSM na Fikambanan’ny silamo Malagasy. Olo_manan_kaja maro no tonga nanome voninahitra ity lanonana ity; isan’izany ny filoha lefitry ny antenimieram_pirenena faritanin’Antananarivo Augustin ANDRIAMANANORO izay nisolotena ny fitondram_panjakana.Nambarany nandritra izany fa matoa mafy orina ny fikambanana FSM dia noho ny fifankatiavana sy firaisankina .Tsy tongatonga ho azy rahateo ny finoana silamo fa efa finoan’ny razantsika hoy izy nanipika. Manana anjara toerana lehibe kosa ity fikambanana ity raha ny nambaran’ ny filohany ABOUSOUARY Saïd Arsène satria:
Nanomboka ny 1974 mandrak’ankehitriny dia miahy ny finoana silamo. Mampifandray ny fanjakana amin’ireo mpino ary mamdrindra ny zavatra momba ny finoana silamo eto Madagasikara. Saropiaro amin’ny resaka fandriam_pahalemana sy ny fanabeazana ity fikambanana ity ary tsy manao politika saingy malalaka amin’ny firehin_kevitra arahiny kosa ireo mpikambana tsirairay. Niantso ny vahoaka malagasy hanefa ny adidiny amin’ny fifidianana ny 11 desambra ho avy izao ihany koa akoatr’izay ny filohan’ny FSM ary miantso ny hisian’ny filaminana mba hivoahan’ny tena safidim_bahoaka .
M Elvina
