ESTIIM’ MIZARA HAFALIANA

79 0
 
🛑Hetsika iray manan-danja no nokarakarain’ny mpianatra, session d’été, ao amin’ny oniversité tsy miankina ESTIIM’ taona voalohany L1 amin’ny taranja rehetra, Administration/Management, Communication, Droit, Diplomatie/Sciences Politiques Informatique, ary Tourisme.
 
⭕ Ao anatin’ny tetik’asa « ESTIIM’ MIZARA HAFALIANA» ity hetsika ity izay natao indrindra mba hivelaran’ny maha-olona ireto mpianatra izay hiatrika ny tontolon’ny asa atsy ho atsy, ary hahafahany ihany koa manampy ny traik’efany rehefa ho lasa mpandraharaha sy mpitantana orinasa izy ireo.
 
🚫 Fanamby lehibe no tontosa satria dia afaka nitondra ny anjara birikiny ho an’ireo ankizy sahirana izy ireo tamin’ny alalan’ny fizarana kilalao sy vatomamy amin’izao fetin’ny noely izao. Tsy adino ihany koa ny kanokanona madinika ilaina amin’ny tokantrano toa ny savony entina hidiovana.
 
🎀 Ankizy miisa 500, izay nizara fokontany 2, Antetezana afovoany sy Andohatapenaka II, no nisitraka izany fizarana hafaliana izany.
 
❌ Raha avy any amin’ny tontolom-piaraha-monina samihafa ireto mpianatra ireto dia nahafahany mijery ary mahafantatra ny zava-misy sy trangam-pianana any amin’ireo tontolom-pîaraha-monina izay tsy niainany ity tetik’asa ity.
 
⛔ Efa tao anatin’ny 15 taona nisesy izay no nanatanterahana ity hetsika ity raha 22 taona izay no nijoroan’ny ESTIIM’.
 
📌Marihina fa efa misandrahaka eny anivon’ny tontolon’ny asa ireo mpianatra nivoaka tao amin’ny ESTIIM’ , ary dia nanampy azy ireo hatrany ny fahafahany misokatra amin’ny hafa sy mihaino ny hafa ny tetik’asa toa itony.
 
📢 Hetsika iombonana ao anatin’ny tetik’asa ihany ity hetsika ity fa samy manana ny tigetrany faritany avy ireo taranja 6 misy amin’ny Oniversité ESTIIM’ ity.
 
⚓📍 Raha maro ny milaza sy mitsikera fa nobeazina hibaiko fotsiny eo ambony latabatra ny tanora mivoaka amin’ny Oniversité dia sahy milaza ary mahatoky ireo mpianatra ao amin’ny ESTIIM fa hivoaka miaraka amin’ny fahaizana noratoviny miampy ny fahalalany ny fiaraha-monina eto Anivon’ny Riaka izy ireo.
 
❌❌ Mila tanora vonona ary sahy hiatrika ny ho avy ny firenena mba hirosoana any amin’ny fampandrosoana, ary mitondra ny anjara biriky amin’izany ny oniversité ESTIIM’ ka alao hery ary ry tanora namana. .❌❌
Nangonin’i Malala Tsa

Related Post

TILY ETO MADAGASIKARA

Posted by - décembre 28, 2024 0
Hetsika Goavambe no hatolotry ny Tily Analamanga Avaratra rahampitso 29 Desambra 2024 iarahana @ #Ampifitia. Hetsika amaranan’ny Tily Analamanga Avaratra…

TOBY KRISTY MANAFAKA IBORA | MPIOMANA 71 MIANADAHY NO VOATOKANA HO MPIANDRY TAMIN’NY TAONA ITY.

Posted by - août 14, 2024 0
𝐁𝐄𝐓𝐒𝐀𝐊𝐀 𝐈𝐑𝐄𝐎 𝐎𝐋𝐀𝐍𝐀 𝐒𝐄𝐃𝐑𝐀𝐈𝐍’𝐍𝐘 𝐓𝐎𝐁𝐘 𝐊𝐑𝐈𝐒𝐓𝐘 𝐌𝐀𝐍𝐀𝐅𝐀𝐊𝐀 𝐈𝐁𝐎𝐑𝐀 𝐊𝐀 𝐈𝐋𝐀𝐍𝐘 𝐅𝐀𝐍𝐎𝐌𝐄𝐙𝐀𝐍-𝐓𝐀𝐍𝐀𝐍𝐀 𝐀𝐕𝐘 𝐀𝐌𝐈𝐍’𝐍𝐘 𝐓𝐒𝐈𝐑𝐀𝐈𝐑𝐀𝐘. 𝐌𝐏𝐈𝐎𝐌𝐀𝐍𝐀 𝟕𝟏 𝐌𝐈𝐀𝐍𝐀𝐃𝐀𝐇𝐘 𝐍𝐎 𝐕𝐎𝐀𝐓𝐎𝐊𝐀𝐍𝐀 𝐇𝐎…