Alatsinainy faha 09 Desambra 2024 no nanatanteraka ny famaranana ny Fampielezan-kevitra na ny Faradoboka araka ny fomba fiteny mahatra ny Fikambanana ASN na ny AVOTRA SABOTSY NAMEHANA.
Natomboka tamin’ny fotoam-pivavahana ankalamanjana, izay efa tarazo fanaon’ity Fikambanana ity izany, ka nitrotroana am-bavaka ny asa ho hatao rehetra, rehefa izany dia nirohotra nanatanteraka ny Diabe namakivaky ny lalam-ben’ny Kaominina Sabotsy Namehana ireo Mpikatroka, notron’ny vahoaka marobe nanara-dia azy ireo.
Taorian’izay dia nisy ny fitetezana ireo FKT maromaro vitsivitsy, nandresy lahatra, nilaza ny programan’asa, sns…. Tsikaritra fa tena mifandray am-po amin’ny Mponin’ny Sabotsy Namehana ny Fikambanana ASN satria dia hofahofan-tanana sy teny Fankaherezana hatrany no havalin’ny Mponina ny fitsidihana hataon’izy ireo.
Nisy fiaraha-misakafo, noporofoin’ny nofon-kena mitam-pihavanana rehefa tonga ny mitataovovonana, ary nofarana tamin’ny fiaraha-mifaly teo amin’ny Kianja HERISETRA RAFANODINA kosa rehefa nitehon-kohariva ny andro.
Jerome RAKOTOMALALA, Laharana faha 6 ao amin’ny Bileta tokana
Nangonin’ Lay Mahitsy
