PΓ΄litika

ANTENIMIERAM-PIRENENA : LANY TSY NISY NITSIPAKA NY VOLAVOLAN-DALANA LAHARANA 022/2023,

Posted on dΓ©cembre 14, 2023 at dΓ©cembre 14, 2023 by feonydemokrasia
295 0
βš–οΈ MINISTERAN’NY FITSARANA
ANTENIMIERAM-PIRENENA : LANY TSY NISY NITSIPAKA NY VOLAVOLAN-DALANA LAHARANA 022/2023, MIKASIKA NY FAMOTSIAM-BOLA SY FAMATSIAM-BOLA NY ASA FAMPIHOROHOROANA. NISAOTRA NY SOLOMBAVAMBAHOAKA NY MPITAHIRY NY TOMBOKASEM-PANJAKANA, MINISITRY NY FITSARANA.
 
πŸ“ŒAlarobia faha – 13 Desambra 2023, teto amin’ny Lapan’ny Antenimieram-pirenena eto Tsimbazaza. Niatrika ny Solombavambahoaka ny Mpitahiry ny Tombokasem-panjakana, Minisitry ny Fitsarana, nitondra ny fanazavana ara-politika, ara-tekinika ary ara-tsosialy ny antony nitondrana fanovana sy famenoana ny andininy sasantsasany tamin’ny lalΓ na laharana 2018-043 tamin’ny 13 Febroary 2019, mikasika ny famotsiam-bola sy famatsiam-bola amin’ny asa fampihorohoroana. Izany dia nialohavan’ny tatitra nataon’ny Mpampakan-teny eo anivon’ny Vaomieran’ny lalΓ na eo anivon’ny Antenimieram-pirenena, narahin’ny fanazavana ny fomba fiasa tamin’ny fandinihana ny fanitsiana sy ny fanovana, izay nataon’ny Filohan’ny Vaomieran’ny lalΓ na.
 
πŸ“Ž Taorian’ny tsangan-tanana amin’ny isan’andininy sy ny fandaniana amin’ny ankapobeny dia lany tsy nisy nitsipaka ny Volavolan-dalana laharana 022/2023 tamin’ny 04 Oktobra 2023 mikasika ny famotsiam-bola sy famatsiam-bola amin’ny asa fampihorohoroana izay manova sy mameno ny andininy sasantsasany tamin’ny lalΓ na teo aloha mikasika izany.
 
Misy andininy 22 ity lalΓ na vaovao ity ary 3 ny andininy vaovao nampidirana ao anatiny.
Taorian’izay dia nisaotra ny Solombavambahoaka ny Mpitahiry ny Tombokasem-panjakana, Minisitry ny Fitsarana RANDRIAMANANTENASOA Landy Mbolatiana, nohon’ny fahatsapan’izy ireo ny maha-zavadehibe ny sokajin-dalana toy ity vao nolaniana ity.
Nangon’i ‘Lay Mahintsy

feonydemokrasia

Related Post

π€π§π­π¬π’π«πšπ›πž – π•πšπ€π’π§πšπ§π€πšπ«πšπ­π«πš | π…π’π¨π¦πšπ§πšπ§πš 𝐚𝐦𝐒𝐧’𝐧𝐲 𝐟𝐒𝐟𝐒𝐝𝐒𝐚𝐧𝐚𝐧𝐚 𝐊𝐨𝐦𝐒𝐧𝐚π₯𝐲 𝐬𝐲 𝐌𝐨𝐧𝐒𝐬𝐒𝐩𝐚π₯𝐲.

Posted by - septembre 4, 2024 0
Nisy ny sehatra nifanakalozan-kevitra nokarakarain’ny CENI Antsirabe I.Notanterahina tao amin’ny efitrano malalaky ny Prefektiora eto Antsirabe Ambonivohitra androany 02 septambra.…

𝑴𝒂𝒓𝒐 π’π’š 𝒔𝒆𝒉𝒂𝒕𝒓’𝒂𝒔𝒂 π’‡π’‚π’Žπ’‘π’‚π’π’…π’“π’π’”π’π’‚π’π’‚ π’Žπ’Šπ’‚π’π’…π’“π’š π’π’š 𝑩𝒆𝒏’π’π’š 𝑻𝒂𝒏𝒂̀𝒏𝒂.

Posted by - janvier 25, 2025 0
Natao androany 24 janoary ny famindram-pitantanana teo amin’ny Ben’ny TanΓ na mpisolo toerana Atoa RAKOTOSON Rolland Kolonely misotro ronono sy Atoa…

𝐈 π€π―π¨π­π«πš 𝐧𝐨 𝐦𝐒𝐭𝐨𝐧𝐝𝐫𝐚 𝐧𝐲 π…πšπ§πžπ―πšπ§’𝐧𝐲 π…π’π«πšπ’π¬πšπ§π€π’π§πš 𝐞𝐭𝐨 π€π―πšπ«πšππ«πšπ§π¨

Posted by - mars 17, 2024 0
Natolotry ny Vovonana Firaisankina Madagasikara an’ny Malagasy (Firaisankina Avaradrano Ofisialy) ho Kandida ao amin’ny Distrika Antananarivo Avaradrano i Andriamatoa Avotraina…