Nariana vonjimaika teny amin’ny digue Anosipatrana ireo fako teto Antananarivo satria nisy fahatapahany ny lalana makeny Andralanitra
Efa tonga ety Anosipatrana ireo fitaovana voalohany handroka ireo fako, hanalalaka ny arabe eto amin’ny digue Anosipatrana, fantatra ihany koa fa efa misy ny vahaolana vonjimaika amin’ny fanaterana ny fako eny Andralanitra ka hiverina amin’ny laony tsikelikely araka izany ny fizotrin’ny fanariana ny Fako.
Rehefa vita izay asa voalohany izay, voarara ny manary sy manambatra ireo fako avy amin’ny kaomina manodidina eto Anosipatrana.
Ankoatra izay, dia efa nisy ny fampitaovana nafarana ary efa andalana izany ho famahana tanteraka ny olana amin’ny fako eto Antananarivo izay efa voafaritra tao anatin’ny filankevitry ny minisitra.
Diovina ary tsy hanariana fako intsony hoy ny fanazavan’ny governoran’ny faritra Analamanga, Hery Rasoamaromaka
