𝐀𝐌𝐏𝐀𝐒𝐀𝐌𝐀𝐍𝐀𝐓𝐎𝐍𝐆𝐎𝐓𝐑𝐀 | 𝐕𝐀𝐋𝐈-𝐁𝐀𝐁𝐄𝐍𝐀 𝐓𝐒𝐘 𝐌𝐀𝐍𝐀𝐌-𝐏𝐀𝐇𝐀𝐑𝐎𝐀

Raha araka ny fitantaran’Andriamatoa ANDRIAMIRINDRA Sammy, izay sady tarak’ireo 14 mianadahy nananagana ity Ampamanatongotra ity, no sady Sefom-pokontany, dia tahaka izao ny tantara :

« Fahagola , efa ela be tany, dia nisy olona miralahy iraitam-po, rehefa samy lehibe izy mirahalahy ireo, dia samy nanambady.

Nohon’ny vintana tsy mitovy, nohon’ny anjara tsy sahala dia tonga mpanefohefo fatratra ilay zokiny, fa ilay zandriny kosa dia najary farahidiny indrindra, teo amin’nt tany amamonina.

Kanefa na dia nanankarena nanontany ny ory aza Ingahimatoa, dia indry fa tsy mba manan-janak’ho dimby, satria karazan’irony vehivavy momba irony no tojo azy, fa Ingahifara kosa dia maro anaka izay tsy izy, satria dia 14 mianadahy be izao ireo naterany.

Hita taratra fa tena misy tsy fifankazahoana tanteraka teo amin’ireto fianakaviana ireto, satria raha mba mitaraina any amin’Ingahimatoa i Faralahy, dia latsa sy handrohadro no azony. Mangidy tami’ity niangaran’ny vintana ny fihainoana sy niainana izany, ary tsampan’ireto ankisy teo amin’ny ankohonany.

Indray andro, dia niresaka tamùin’izy mivady ireto zaza naterany, « Ry Ikaky sy Neny ô ! na dia mahantra fadiranovana aza ianareo, na nitafy voronkitsay aza, ka nanompoanareo olona ny namelomanareo anay, mby lehibe izahay, dia hanao valim-babena izay hampitolagaga ny maro ho anareo izahay »

  Nony nindaosin’ny fahafatesana izy mivady ireto taty aoriana dia nananganan’izy 14 mianadahy fasana ary nasiany nasiany tongony 14 ilay fasana, ho mariky ny fitiavan’izy ireo ireto nahitany masoandro.

  Ary nohon’ny fisain’i fasana io no nahatonga ilay anaran’ny tanana hoe AMPASAMANATONGOTRA,

Fa ilay lahy matoa kosa rehefa maty, dia lasa antsoin’ny olona hoe « Fasam-bazimba » ny fasany

Raha araka ny filazan’Andriamatoa Sammy ihany, dia dia fasana an’ny mpiaramonina aminy io fasana iray tsy misy tongony io fa ny fasan’ilay Lahimatoa dia natao nalavirina manodidina ny 1km eo ho eo miala eo amin’io fasana misy tongony io,…

Nisaotra ny Minisitra Lalalatina RAKOTONDRAZAFY ity Filohan’ny Fokontany ity, satria izy no nanajary ity toerana mitahiry ny hasin’ny Razany ity.

𝑻𝒔𝒚 𝒂𝒏𝒈𝒂𝒏𝒐, 𝒕𝒔𝒚 𝒂𝒓𝒊𝒓𝒂 𝒇𝒂 𝒕𝒆𝒏𝒂 𝒛𝒂𝒗𝒂-𝒎𝒊𝒔𝒚 𝒂𝒓𝒚 𝒏𝒊𝒂𝒊𝒏𝒂𝒏’𝒊𝒓𝒆𝒐 𝑹𝒂𝒛𝒂𝒎𝒃𝒆𝒏𝒂𝒚 𝒊𝒛𝒂𝒏𝒚, 𝒉𝒐𝒚 𝒊𝒉𝒂𝒏𝒚 𝒏𝒚 𝒇𝒊𝒕𝒂𝒏𝒕𝒂𝒓𝒂𝒏𝒂.