AMBOASARY SUD « NDAO HAJÀ NY FANOLORANTEGNATSIKA : AJANOGNO GNY FAMPIASA ZAZA »

83 0
Ny Distrikan’Amboasary Atsimo, Faritra Anosy no nampiantrano ny fankalazana rejionaly ny andro maneran-tany momba ny ady amin’ny fampiasana ankizy ny 28 septambra 2024.
Tonga tany an-toerana ny delegasiona notarihan-dRamatoa RAZAKABOANA Hanitra Fitiavana, Minisitry ny Asa, Fampananan’Asa ary ny Asam-panjakana nanome voninahitra ity lanonam-pankalazana ity. Nanotrona sy nanome voninahitra ny lanonana niaraka taminy ihany koa ny Solombavam-bahoakan’i Madagasikara voafidy tao Amboasary Atsimo, ny Governoran’ny Faritra Anosy sy ireo olo-manan-kaja maro.
Ny lohahevitra tamin’ity taona ity moa dia ny hoe «NDAO HAJÀ NY FANOLORANTEGNATSIKA : AJANOGNO GNY FAMPIASA ZAZA »
Nandritra ny lahateniny dia nanentana ireo Ray amandreny mba handefasany ny ankizy any an-tsekoly Ramatoa Minisitry ny Asa, ny Fampananan’asa ary ny Asam-panjakana.
Nidera ny ezaka vitan’ny Komity Rejionaly momba ny Ady amin’ny Fampiasana Ankizy (CRLTE) sy ny Komity Ifotony momba ny Ady amin’ny Fampiasana Ankizy (CLLTE) izy, ary maniry koa ny hitohizan’izany maharitra.
Nomarihany ihany koa fa notohanan’ny Fitondrana foibe ity fankalazana ity. Momba izay indrindra mantsy dia nisy ny fankalazana nasionaly ny ady amin’ny fampiasana ankizy ity izay teo ambany fiahian-dRamatoa vadin’ny Filoham-pirenena natao tany amin’ny Faritra Atsinanana ny volana jolay lasa teo.
Nohon’ny ezaka nataon’ny Komity Ifotony sy ny Komity Rejionaly izay miisa 58 ao amin’ireo Kaominina 4 : RANOPISO, BEHARA, TRANOMARO, MAROMBY; miaraka amin’ireo mpiara-miombon’antoka (PACT, TDH, SAVE THE CHILDREN, UNICEF, AEPI, ALT, FAFAFI) ) dia efa maherin’ny 3 000 ny isan’ny zaza tafiditra an-tsekoly tany amin’iny Faritra iny nandritra ny hetsika maro vita tao anatin’ny roa taona.
Nangonin’i ARRONE KENNEDY

Related Post

𝐌𝐚𝐧𝐝𝐫𝐢𝐭𝐬𝐚𝐫𝐚 – 𝐇𝐨 𝐚𝐳𝐨 𝐚𝐧𝐭𝐨𝐤𝐚 𝐧𝐲 𝐟𝐚𝐧𝐝𝐫𝐢𝐚𝐦𝐩𝐚𝐡𝐚𝐥𝐞𝐦𝐚𝐧𝐚 𝐚𝐦𝐢𝐧`𝐧𝐲 𝐟𝐚𝐫𝐢𝐭𝐫𝐚 𝐥𝐨𝐡𝐚𝐫𝐚𝐧𝐨

Posted by - avril 28, 2024 0
𝐌𝐚𝐧𝐝𝐫𝐢𝐭𝐬𝐚𝐫𝐚 – 𝐇𝐨 𝐚𝐳𝐨 𝐚𝐧𝐭𝐨𝐤𝐚 𝐧𝐲 𝐟𝐚𝐧𝐝𝐫𝐢𝐚𝐦𝐩𝐚𝐡𝐚𝐥𝐞𝐦𝐚𝐧𝐚 𝐚𝐦𝐢𝐧`𝐧𝐲 𝐟𝐚𝐫𝐢𝐭𝐫𝐚 𝐥𝐨𝐡𝐚𝐫𝐚𝐧𝐨 (𝑵𝒂𝒏𝒐𝒎𝒆 𝒕𝒐𝒌𝒐𝒕𝒂𝒏𝒚 𝒉𝒂𝒏𝒐𝒓𝒆𝒏𝒂𝒏`𝒏𝒚 𝒁𝒂𝒏𝒅𝒂𝒓𝒚 𝒕𝒐𝒃𝒚 𝒏𝒚 𝒇𝒐𝒌𝒐𝒏𝒐𝒍𝒐𝒏𝒂 𝒂𝒐 𝑨𝒎𝒃𝒂𝒓𝒊𝒑𝒂𝒊𝒌𝒂 𝒓𝒆𝒉𝒆𝒇𝒂…

𝐋𝐚𝐥𝐚𝐧𝐚 𝐞𝐭𝐨 𝐚𝐧𝐭𝐚𝐦𝐩𝐨𝐭𝐚𝐧𝐚𝐧𝐚’𝐢 𝐯𝐚𝐤𝐢𝐧𝐚𝐤𝐚𝐫𝐚𝐭𝐫𝐚 | 𝐌𝐢𝐡𝐚𝐫𝐚𝐭𝐬𝐲 𝐬𝐲 𝐦𝐢𝐡𝐚𝐬𝐢𝐦𝐛𝐚

Posted by - janvier 16, 2024 0
𝐋𝐚𝐥𝐚𝐧𝐚 𝐞𝐭𝐨 𝐚𝐧𝐭𝐚𝐦𝐩𝐨𝐭𝐚𝐧𝐚𝐧𝐚’𝐢 𝐯𝐚𝐤𝐢𝐧𝐚𝐤𝐚𝐫𝐚𝐭𝐫𝐚 | 𝐌𝐢𝐡𝐚𝐫𝐚𝐭𝐬𝐲 𝐬𝐲 𝐦𝐢𝐡𝐚𝐬𝐢𝐦𝐛𝐚   Mitombo ihany ny faharatsiana Ary mampitaraina ny mpampiasa ny lalana ,…

Amparafaravola, nitrangana Kidnaping

Posted by - juin 5, 2024 0
𝐋𝐀𝐇𝐈𝐋𝐀𝐋𝐘 𝐑𝐎𝐀 𝐋𝐀𝐒𝐀𝐍’𝐍𝐘 𝐌𝐏𝐀𝐍𝐀𝐎 𝐊𝐈𝐃𝐍𝐀𝐏𝐏𝐈𝐍𝐆 𝐓𝐀𝐎 𝐀𝐌𝐈𝐍’𝐍𝐘 𝐊𝐀𝐎𝐌𝐈𝐍𝐈𝐍𝐀 𝐀𝐌𝐁𝐎𝐃𝐈𝐑𝐀𝐍𝐎/𝐃𝐈𝐒𝐓𝐑𝐈𝐊𝐀𝐍’𝐀𝐌𝐏𝐀𝐑𝐀𝐅𝐀𝐑𝐀𝐕𝐎𝐋𝐀 Ny alin’ny Talata 04 Jona 2024 tokony ho tamin’ny sivy ora…