Nitombo an-dalana toy ny dian’andriana ny Kandida lany tamin’ny anaran’ny IRMAR na ny Isika Miaraka amin’i Andry Rajoelina, rehefa nofoanana tsy hanan-kery ny vato azon’ireo Kandida tsy miankina tao amin’ny anatin’ny Distrika miisa 02, vokatr’izany dia lasa nandresy ny Kandida ny Irmar, dia tao amin’ny Distrika Moramanga, ary ny Distrikan’i Maevatanana.
Koa raha ny voakatra ofisialy navoakan’ity Andrim-panjakana afaka mamoaka ny Didy tsy azo ivalozana ity arak’izany dia manana ny toerana an-tsasamanila eny Tsimbazaza ny Vondrona IRMAR, izay nahazo toerana 83, raha 52 ny Solombavambahoaka Mahaleon-tena, ary 22 kosa ireo Kandida natolotry ny Vovonana Firaisankina.
Fa anisan’ny zava-tsikaritry ny be sy ny maro, rehefa notononina ny vokatra avy any amin’ny Distrikan’ny Faratsiho, ao amin’ny Faritra Vakinankaratra, dia horakoraka no heno nanakoako eran’ny trano, ary tafapaka hatrany ivelany mihintsy aza, eny fa na dia efa nilaza mialoha aza ny Filohan’ny HCC, Andriamatoa Florent RAKOTOARISOA no tsy hanasiana fihetseham-po, ary nohamafisiny indroa miantohana mihintsy izany, kanefa tsy tana intsony ny zava-misy.
Milaza samy afam-po tamin’iny vokam-pifidianana iny avokoa ireo Kandida rehetra nilatsaka ho fidiana ka nibata ny fandresena.
Mba ho ten solombavambahoaka hiteny anie, fa tsy solombavambahoaka hihinana e !
Mahaleohova mahalasana avokoa..
Nangonin ‘Lay Mahintsy
