𝗠𝗮𝗵𝗮𝗯𝗼: 𝗮𝗱𝘆 𝗮𝗺𝗶𝗻’𝗻𝘆 𝗳𝗮h𝗮𝗿𝗮𝘁𝘀𝗶𝗮𝗻’𝗻𝘆 𝗹𝗮𝗹𝗮𝗻𝗮, 𝗮𝗱𝘆 𝗵𝗼 𝗮𝗻’𝗻𝘆 𝗮𝗶𝗻’𝗻𝘆 𝗮𝗻𝗸𝗶𝘇𝘆

Ao amin’ny distrikan’i Mahabo, faritra Menabe, mbola miatrika fanamby goavana ny mponina amin’ny fahazoana tolotra ara-pahasalamana, indrindra ny fanaovana vaksiny ho an’ny ankizy.

Noho ny lalana ratsy sy ny halaviran’ny tobim-pahasalamana, maro ireo ray aman-dreny no tsy maintsy mandeha ora maro an-tongotra, na amin’ny kalesa, mba hitondra ny zanany hanao vaksiny. Ao amin’ny kaominina ambanivohitra Mandabe , dia mbola hita fa misy ankizy tsy mahazo vaksiny ara-potoana.
Manoloana izany, miezaka hatrany ny mpiasan’ny fahasalamana eny ifotony. Misy ny fanentanana sy ny fanatonana mivantana eny amin’ny fokontany, miaraka amin’ny fanohanan’ireo mpiara-miombon’antoka, mba hahazoan’ny ankizy rehetra fiarovana amin’ireo aretina azo sorohina.

Na dia mbola maro aza ny sakana, dia hita ny fiaraha-mientana eo amin’ny mpiasan’ny fahasalamana sy ny mponina.

Saingy ao amin’ny kaominina ambanivohitra Mandabe, ny fanaovana vaksiny dia mbola ady…
Ady amin’ny faharatsian’ny lalana.
Ady amin’ny halavirana eo amin’ny elanelana misy ny tobim-pahasalamana sy ny fokotany.
Fa indrindra, ady ho an’ny ain’ny ankizy.