Ny soa atao levenam-bola; Fitsimbinana amin’ny fo feno fitiavana dia avy amin’Ilay Nahary.
Tonga nitsidika sy nanolotra fanomezana ho an’i Christina, izay zazavavy kely 2 taona niharan’ny fanolanana, ireo zandary vehivavy miasa amin’ny Fari-piadidian’ny Zandarimaria ao Toamasina, notarihin’i Komandà ANDRIANARY Yvette, komandin’ny Vondro-tobim-paritra seranan-tsambo Toamasina sy i Kapiteny MANGAZAFY, ny 05 Janoary 2024, teny amin’ny Hopitalibe Analakinina.
I Christina, raha tsiahivina, dia ilay zazavavy vao 02 taona monja, niharan’ny fanolanana tany Antsampanana Brickaville ka ny rahalahin-dRainy antsoina hoe Tigana, 40 taona ihany no nahavita izany fihetsika mamoafady izany, ary efa nandraisana fepetra ara-pitsaràna.
Nandritra izany dia nitondra izay voatsirambin’ny tanana ho fanampiana azy sy ny renibeny ireo zandary mba ho fitsaboana. Lelavola mitentina 400.000 ariary sy kilalao ho an’i Christina kely no natolotra.
Isaorana an’Andriamanitra fa efa mihatsara ny fahasalamany. Manainga izay manam-pitiavana sy akaiky an’i Toamasina mba hamangy azy eny amin’ny Hopitaly.
#Namanao_ny_Zandarimaria
