Vondron-tobim-pileovan’ny Zandary eto Betsiboka: Fitsidihana nataon’ny kaomandy ny Zandarimaria sy ny lehiben’ny kaomandy ny sekoly sy fiofanana eo anivon’ny Kaomandy ny Zandarimariam-pirenena.
Nandritra ny fitsidihana natao dia nanararaotra nitafa sy ny dinika, ary namory ireo Zandary ato anatin’ny vondron-tobim-pileovana Betsiboka ny kaomandy ny Zandarimaria » Général de Division, » Rakotomalala Andriantahina Jean Herbert sy ny général de division RAMASITERA Ny Haingo, izay notarihin’ny Lietinà-kolonely Andrianatrehina Hando Dinah. Tao anatin’ny dinidinikana ambany tafi-trano, teny amin’ny » BPR Maevatanàna, » dia nampatsiahivana tamin’izany ny fanajana ny zon’olona, fahaizana mikirakira ny fandriam-pahalemana, fifandraisana amin’ny manam-pahefana isan-karazany, fandraisana andraikitra, fitondran-tena mandritra ny fanatanterahana ny asa sy ny tokony hanomezana marim-pakasitrahana, hoan’ireo Zandary manao ny aina tsy ho zavatra, izay tsy mandry andro sy alina manao ny asany, raha ny fanamafisam-panazavana nataon’ny Jeneraly RAMASITERA Ny Haingo hatrany. Eto am-pamaranana ny lahatsoratra dia tsara hatrany mampahafantatra fa ny Zandarimaria dia miara-miasa amin’ny vahoaka mba hisian’ny fandriam-pahalemana maharitra, ka manantena hatrany izy ireo, amin’ny fanomezana vaovao marina, ara-potoana.
Nagonon’i Zandry be Tantely
