« 𝐃𝐑𝐎𝐈𝐓 𝐃𝐄 𝐑𝐄𝐏𝐎𝐍𝐒𝐄  » 𝐀𝐕𝐘 𝐀𝐌𝐈𝐍’𝐍𝐘 𝐒𝐄𝐍𝐀𝐓𝐎𝐑𝐀 𝐌𝐀𝐋𝐀𝐆𝐀𝐒𝐘

𝗙𝗔𝗡𝗜𝗡𝗧𝗦𝗜𝗔𝗡𝗔 𝗩𝗔𝗢𝗩𝗔𝗢 𝗗𝗜𝗦𝗢

Taorian’ny famoahan’ny pejy « 𝑭𝒆𝒐𝒏’𝒏𝒚 𝒅𝒆𝒎𝒐𝒌𝒓𝒂𝒔𝒊𝒂 » tamin’ny tambazotran-tserasera ny fanatanterahana didim-pitsarana nataon’ny « 𝑯𝒖𝒊𝒔𝒔𝒊𝒆𝒓 𝒅𝒆 𝑱𝒖𝒔𝒕𝒊𝒄𝒆 »,

notronin’ny 𝒛𝒂𝒏𝒅𝒂𝒓𝒚, 𝒂𝒏𝒚 𝑨𝒏𝒅𝒓𝒆𝒏𝒂𝒗𝒐𝒂𝒗𝒐, 𝒇𝒐𝒌𝒐𝒏𝒕𝒂𝒏𝒚 𝑨𝒏𝒅𝒓𝒂𝒏𝒐𝒎𝒂𝒔𝒊𝒏𝒂, 𝒌𝒂𝒐𝒎𝒊𝒏𝒊𝒏𝒂 𝑨𝒎𝒃𝒂𝒕𝒐𝒎𝒂𝒏𝒋𝒂𝒌𝒂, 𝒅𝒊𝒔𝒕𝒓𝒊𝒌𝒂𝒏’𝒊 𝑴𝒊𝒂𝒓𝒊𝒏𝒂𝒓𝒊𝒗𝒐, 𝒇𝒂𝒓𝒊𝒕𝒓𝒂 𝑰𝒕𝒂𝒔𝒚, dia nampanao fanamarinana

sy fanadihadiana ny 𝑨𝒏𝒕𝒆𝒏𝒊𝒎𝒊𝒆𝒓𝒂𝒏𝒅𝒐𝒉𝒐𝒍𝒐𝒏𝒂, ka manambara fa :

Tsy misy mpikambana ao amin’ny kabinetran’andriamatoa Filohan’ny

Antenimierandoholona voakasika amin’io raharaha io. Diso araka izany ny vaovao navoakan’io Pejy io ka hitory azy ny Antenimierandoholona noho ny fanalambaraka sy heloka an’habaka ;

Tsy niteny mihintsy ireo nahazo rariny tamin’ny Fitsarana, izay nangataka ny

hanatanterahana ny didim-pitsarana fa mpikambana ao amin’ny kabinetran’ny

Filohan’ny Antenimierandoholona fa zavatra noforonina izany ;

Araka ny taratasy navoakan’io Pejy io amin’ny tambazotran-tserasera (averinay avoaka amin’ity ranty ity ) sy ny

nolazain’ireo zandary tany an-toerana, dia ara-dalàna ny fanatanterahana ny didim-pitsarana navoaka. Tsiahivina fa ny tsy fanekena fanatanterahana didim-pitsarana dia voararan’ny lalàna araka ny andininy faha 221 amin’ny fehezan-dalàna famaizana ;

Ireo mpangataka ny fanatanterahana ny didim-pitsarana dia nilaza fa « ny olona manana trano eo amin’ilay tany, dia efa niresaka tamin-dry zareo mba hitady ny marimaritra iraisana ». Tsy nanome tsiny ny zandary mihitsy ireto farany, araka io

horonan-tsary alefa io ;

Tsy olona voakasika akory amin’io raharaha io ilay Ramatoa ao anaty horonan-tsary naparitaka.

Misy laharanom-baovao milaza fa nokaramain’ny Ben’ny tanàna ao amin’ny kaominina Ambatomanjaka izy io ary io Ben’ny tanana io dia nanao tsindry (trafic d’influence) tamin’ny ny zandary hoe « ho

hitanareo fa ho any amin’i Lalatiana izahay ary mahalala mpitsara ao amin’ny Fitsarana an-tampony ». Tsy mba nasiany hasina hoe « Loholona » na « Ramatoa » ny loholona 𝑹𝒂𝒌𝒐𝒕𝒐𝒏𝒅𝒓𝒂𝒛𝒂𝒇𝒚 𝑳𝒂𝒍𝒂𝒕𝒊𝒂𝒏𝒂.

Rehefa nifampiresaka ny jeneraly 𝑹𝑨𝑽𝑨𝑳𝑶𝑴𝑨𝑵𝑨𝑵𝑨 𝑹𝒊𝒄𝒉𝒂𝒓𝒅, 𝑭𝒊𝒍𝒐𝒉𝒂𝒏’𝒏𝒚 𝑨𝒏𝒕𝒆𝒏𝒊𝒎𝒊𝒆𝒓𝒂𝒏𝒅𝒐𝒉𝒐𝒍𝒐𝒏𝒂 sy ny loholona 𝑹𝒂𝒌𝒐𝒕𝒐𝒏𝒅𝒓𝒂𝒛𝒂𝒇𝒚 𝑳𝒂𝒍𝒂𝒕𝒊𝒂𝒏𝒂, dia nilaza ity farany fa mpikambana ao amin’ny antoko 𝑭𝑹𝑬𝑬𝑫𝑶𝑴 io Ben’ny tanàna io, saingy

izy ihany no tompon’andraikitra amin’ny tsy fanekena fanatanterahana didim-pitsarana fa tsy misy idiran’ny Loholona na ny antokony izany.

Olona voafantina ihany no afaka manao taria (commentaires) ao amin’io Pejy « 𝑭𝒆𝒐𝒏’𝒏𝒚 𝒅𝒆𝒎𝒐𝒌𝒓𝒂𝒔𝒊𝒂 » io. Betsaka ireo nanatri-maso sy voakasika mivantana tamin’io raharaha io no vonona hijoro hanazava saingy nofafana avokoa izay mamoaka hevitra tsy mety amin’ny Mpitantana io Pejy io.

Mahay miray hina, tsy manarao-pahefana ary manaja ny didim-pitsarana sy

ny lalàna ny Loholona eto Madagasikara. Koa manentana ny rehetra tsy hisalasala hiteny sy hampita raha misy tokoa ny manampatra fahefana tsy ara-dalàna sy tsy ara-drariny

amin’ny anaran’ny Antenimierandoholona.

—