Androany izy no nitafa tamin’ny Mpanao Gazety ka tamin’izany no nisaorany ireo vahoaka izay nifidy sy nametraka fitokisana taminy,nohamafisiny ny fahavononany hanohy ireo asa fampandrosoana izay efa nataony,niarahany tamin’ireo Ben’ny Tanana sy ireo Tompon’andraikim-panjakàna rehetra ary ireo mpandraharaha ao anatin’ny Distrika nahavoafidy azy.
Tamin-kafaliana no niarahabany ny Filoha Lefitry ny Antenimieram-pirenena Rtoa Irmah Naharimamy sy Atoa Rafidison Richard Theodore Governoran’ny Faritra Atsinanana noho izy ireo samy tafaverina amin’ny toerany avy. Ho mora ny manohy ireo asa efa natao niarahana tamin’izy ireo hoy izy,satria efa niara nifanome tanana izahay.Marihana moa fa ny mampiavaka ny Solombavambahoaka ROILAHY JONAH dia ny fahaizany mandray olona sy ny fanetren-tena ananany,nataony mitovy tantana ny fitsinjaràna ny volan’ny CIAD izay notantaniny ka samy nahazo tombotsoa tamin’izany ireo Kaominina 18 ao anatin’ny Distrikan’ny Toamasina II.Fantatra fa roa ankehitriny ny Solombavam-bahoaka ao Toamasina II ka ho mora kokoa ny hanatanteraka ny asa fampandrosoana ao antoerana hoy izy.
Nangonin’i Claudia Tsitolomy
