Tamin’ny firalahiana tanteraka no nanatontosana ny famindram- pitantanana eo amin’ny » chef de Service Régionale de la communication DIANA » teo aloha, Atoa LEMITENY Etienne, sy ny mandimby azy Atoa Lucky Laou Po Seng ny maraina teo.
Roa amby folo ( 12) taona no nisahanan’ny mpanao gazety matihanina avy ao amin’ny TVM Ambilobe, LEMITENY Etienne ny asa maha lehiben’ny sampandraharahan’ny serasera DIANA ity ka izao no tonga ny fotoana izay tsy maintsy hitsaharany amin’izany satria toerana ifandimbiasana ny sokajy ny toerana niandraiketany hoy ny fanazavany nandritra ny laha- teny nataony.
Nitso- drano an’ilay nandimby azy ihany koa ity farany mba hanohy sy nahavita be amin’ny asa masina izay sahanina.
Eto dia miarahaba anao namana Lucky laou po – Seng, izay voatendry ho lehiben’ny Sampandraharahan’ny Serasera DIANA.
Ho tanteraka anie ny fikasanao amin’ny fampivelarana ny serasera ato amin’ny Faritra DIANA.
Nangonin’i Sela Fanambarana
