𝐌𝐚𝐞𝐯𝐚𝐭𝐚𝐧𝐚̀𝐧𝐚: 𝐍𝐚𝐧𝐚𝐭𝐚𝐧𝐭𝐞𝐫𝐚𝐤𝐚 𝐟𝐢𝐯𝐨𝐚𝐫𝐢𝐚𝐧𝐚 𝐦𝐛𝐚 𝐚𝐡𝐚𝐳𝐨𝐚𝐧𝐚 𝐯𝐨𝐤𝐚𝐭𝐫𝐚 𝐚𝐳𝐨 𝐭𝐬𝐚𝐩𝐚𝐢-𝐭𝐚𝐧𝐚𝐧𝐚 𝐞𝐨 𝐚𝐦𝐢𝐧’𝐧𝐲 𝐥𝐚𝐟𝐢𝐧’𝐧𝐲 𝐟𝐚𝐦𝐩𝐚𝐧𝐝𝐫𝐢𝐚𝐦-𝐩𝐚𝐡𝐚𝐥𝐞𝐦𝐚𝐧𝐚 𝐢𝐫𝐞𝐨 𝐦𝐚𝐦𝐛𝐫𝐚 𝐧𝐲 𝐎𝐌𝐂 𝐑𝐄𝐆 𝐁𝐞𝐭𝐬𝐢𝐛𝐨𝐤𝐚.

Tao amin’ny efitranom-pivorianan’ny prefektioran’i Maevatanàna ny Talata faha 17 Martsa taona 2026 teo iny, tokon’ny tamin’ny 04 ora hariva tany ho any no nanatanteraka fivoriana niarahana tamin’ny mambra ny OMC Betsiboka, sy ireo mpisehatra rehetra amin’ny lafin’ny tsy fampandriam-pahalemana aty an-toerana, izay nahitana ireo solotena: eo anivon’ny farita Betsiboka, mpitsara mpanao famotorana, lehiben’ny boribory tany, ben’ny tanàna, Talem-paritry ny fananan-tany, ekipa mandrafitra ny dinam-pokon’olona, filoham-pokontany, firaisamonimpirenena:  » Réseau des Jeunes OBS Mada Betsiboka. « 

Ny dinidinika ambany tafon-trano notarihan’Atoa prefetn’i Maevatanàna natao teto moa dia hanatsarana sy hanomezana torimarika, hialana amin’ny mety ho firongatry ny tsy fandriam-pahalemana ato anatin’ny faritra Betsiboka.

Izany no natao mba hisian’ny vokatra azo ho miantefa amin’ny fiainam-bahoaka. Saingy azo tsapai-tanana kosa aloha hatreto ny fihenan’ny tsy fandriam-pahalemana misy, raha ny angom-baovao voaray hatrany.

Eto am-pamaranana ny lahatsoratra dia tsara ny mampahafantatra fa nafana ny fanehoan-kevitra nisy, izay naharitra ora maro teto no nampanantsoina manokana nandritra izao fivoriana izao ny tompon’andrakitra voalohany, eo anivon’ny Jiro sy Rano Malagasy eto Maevatanàna ny amin’ny tokon’ny mba hijerena vahaolana maharitra amin’ity fahatapan-jiro tsy mety manam-pahavitana lazaina fa misy olana ara-tekinika lava ity . Nandeha moa ny fanontaniana tamin’io tompon’andrakitra voalaza etsy aloha io, amin’ny tena zava-misy marina manoloana ny fahatapan-jiro, izay mampitondra faisana ny vahoaka an-kehitriny, sao hampanararaotra ireo mpanao ratsy amin’ny hateraky haizina misy aty an-toerana.

Zandry be Tantely

OBS Mada Betsiboka & Z.B