𝗠𝗔𝗡𝗞𝗔𝗟𝗔𝗭𝗔 𝗡𝗬 𝗙𝗔𝗛𝗔-𝟮𝟬 𝗧𝗔𝗢𝗡𝗔𝗡𝗬 𝗡𝗬 𝗘𝗦𝗜𝗔

Niorina tamin’ny taona 2006 rehefa nahazo ny fankatoavana ara-panjakana, ny Espace Sanitaire Interentreprises d’Antananarivo (ESIA) dia mankalaza amin’ity taona 2026 ity ny faha-20 taonany. Roapolo taona nanolorany tolotra natokana ho an’ny fahasalaman’ny mpiasa sy ny fianakaviany eto Antananarivo.

Ivotoeram-pitsaboana arak’asa ho an’ny fikambanan’orinasa ny ESIA, ary ireo orinasa mivondrona ao anatiny no tompony. Eo ambany fiahian’ny Minisiteran’ny Asa sy ny Fampanana asa (FOP) izy, ary miara-miasa akaiky amin’ny Minisiteran’ny Fahasalaman-bahoaka (MINSAN).

Manatanteraka ny andraikiny araka ny voafaritry ny lalàna 2003-1162 navoakan’ny Minisiteran’ny Asa ny ESIA, ka anisan’izany:

Ireo andraikitra sahaniny

• Manara-maso sy manaraka ny toe-pahasalaman’ny mpiasa (fitsaboana arak’asa)

• Manome torohevitra sy fanentanana momba ny fisorohana sy fitandroana fahasalamana

• Manampy ny orinasa amin’ny fisorohana ny loza eny an-toeram-piasana amin’ny alalan’ny fitiliana sy fanofanana

• Mitsabo ny mpiasa sy ny vady aman-janany

Mivoha 24 ora isan’andro tsy miato ny ESIA, ahafahan’ny mpikambana sy ny fianakaviany misitraka fitsaboana sy fanafody. Tafiditra ao anatin’izany ny fitsaboana aretina mitaiza, na dia efa nisy talohan’ny nidirana ho mpikambana aza ilay aretina.

Marihina anefa fa tsy hopitaly ny ESIA. Raha misy tranga mitaky fitsaboana hopitaly, dia alefa any amin’ny hopitaly safidin’ny marary araka ny fahafahany izy ireo.

Hetsika manokana ho fankalazana ny faha-20 taona – 2026.

Ho fanamarihana izao tsingerintaona izao dia hisy hetsika maro hotanterahina :

1. Fizahana maimaim-poana ho an’ny besinimaro

o Fitiliana diabeta

o Fitiliana tosidrà

2. Fanomezana rà

o Hotanterahin’ny mpiasa ESIA eny amin’ny foiben’ny rà ao amin’ny Hôpital Joseph Ravoahangy Andrianavalona (HJRA)

3. Kilalao sy fanentanana ahazoana loka

o Eny amin’ny ivotoerana ESIA Tanjombato, Ambohibao ary Antasahabe

4. Fitokanana ny trano vaovao

o Amin’ny volana Aprily

5. Fanomezana mari-pankasitrahana ho an’ny mpiasa ESIA

o Amin’ny faran’ny volana Aprily

6. Valandresaka momba ny Fahasalamana sy Fiarovana eny an-toeram-piasana

o Hotanterahina amin’ny volana Jolay

o Natokana ho an’ny orinasa, mpampiasa, mpiasa, komity misahana ny fiarovana, tompon’andraikitra misahana ny mpiasa ary ireo mpisehatra amin’ny fisorohana ny loza eny an-toeram-piasana

7. Kilalao fifaninana-kira ho an’ny orinasa mpikambana

o Hifarana amin’ny lanonana fanomezana loka ho an’ireo mpandresy

20 taona niarahana nanatsara ny fahasalamana eny an-toeram-piasana

Amin’izao fankalazana izao dia manamafy ny fanoloran-tenany ny ESIA amin’ny fanatsarana hatrany ny fahasalaman’ny mpiasa sy ny fiarovana amin’ny loza eny an-toeram-piasana.

Misaotra ireo orinasa mpikambana, mpiara-miombon’antoka ary ny mpiasa rehetra izay niara-nandrafitra sy nanohana nandritra izay 20 taona izay.