Tonga teto Toamasina androany ny solontenanโny Hery Vaovaon’i Madagasikara (HVM) nanatitra fanampiana ho anโireo fianakaviana niharam-boina vokatry ny fandalovanโny rivo-doza Gezani, izay nandrava sy nampikorosy fahana ny faritra maro teto Atsinanana.
Araka ny fanazavana azo, dia nahitana fahasimbana goavana taminโny fotodrafitrasa sy trano fonenana maro ny fandalovanโilay rivo-doza. Nisy ireo very fananana, simba ny tanimbary sy voly fihinam-boa, ary maro ihany koa ireo voatery nifindra vonjimaika noho ny faharavanโny tranony.
Ho setrinโizany, nitondra fanampiana ara-tsakafo sy kojakoja ilaina andavanandro ny HVM, ahitana vary, menaka, siramamy, savony ary bodofotsy. Nisy ihany koa fitaovana fanarenana toy ny lay sy plastika hiarovana aminโny orana, entina hanampiana ireo tokantrano mbola tsy tafaverina aminโny laoniny.
Nandritra ny fanolorana, nanambara ireo tomponโandraikitry ny antoko fa adidy ara-pirenena sy ara-moraly ny fifanampiana aminโny fotoan-tsarotra tahaka izao. โRehefa sendra voina ny mpiara-belona, tsy tokony hisy fanavahana na fironana politika. Malagasy iray isika,โ hoy ny iray taminโireo solontena.
Nankasitraka ny hetsika kosa ireo mponina nahazo fanampiana, na dia mbola betsaka aza ny filร na eny ifotony. Maro aminโizy ireo no miantso ny fitohizanโny fanampiana sy ny fanarenana maharitra, indrindra aminโny lafiny fanamboarana sekoly sy tobim-pahasalamana simba.
Tsiahivina fa ny rivo-doza Gezani dia niteraka fahatapahan-jiro sy fahasimban-dalana tany aminโny distrika sasany manodidina anโi Toamasina, ka nanasarotra ny fifindranโny olona sy ny fizarana fanampiana tany am-boalohany. Efa miroso tsikelikely anefa ny asa fanarenana, miaraka aminโny fiaraha-mientanโny fanjakana, ny fikambanana samihafa ary ny olom-pirenena.
Ao anatinโny zava-tsarotra toy izao no isehoanโny soatoavina Malagasy nentin-drazana, dia ny fifanampiana sy ny firaisankina โ izay tsy mba levona na dia mafy aza ny tafio-drivotra.
Nangonin’i Claudia Tsitolomy
