Manao fanairana amin`ny tompon`andraikitra ara-panjakana misy ao Mandritsara ny tompon`ny tany misy alan-drafia ao Antatatra fokontany Maroamboka distrikan`i Mandritsara. Omby iniana alefa no mandripaka zana-drafia sy voly ary zava-maniry hafa anatin`ny tanin`olona ity. Aripaka alika entin`ireo mpiambina omby koa ny akoho ompian`ireo mponina. Tsy laitra tenenina ny tompon`omby noho izy ireo olona mahitahita an-tanana.
Teny mahery feno fandrahonana no ataon`ny mpiambina omby rehefa mba manitsy azy ireo ny tompon`ny tany misy alan-drafia ao Antatatra ity. Nampiantso mpanao gazety izy ireo androany alarobia 8 janoary nanamafy ny fanairana natoa izay. Nidina ifotony nijery ny zava-misy ny sefo fokontany ao Maroamboka, RABENOAVY Philibert, maraina teo. Nanamafy ny tokony tsy hamelana omby ireto ao anatin`ny alan-drafia misy voly koa ny tenany teto.
« Fifampiraharahana no ilainay, tsy mandrara azy ireo hampisotro rano omby amin`ny toerana ny mponina ao Antatatra. Ny famelana ireo omby manimba alan-drafia sy voly hafa ao anatiny no olana » hoy hatrany ny mponina.
Nangonin`i Claudio
