Kaominina Ambohimangakely | Fambolen-kazo sy diabe namakivaky ny tanana no nentina nanamarihana ny andron’ny 08 Marsa 2024
Ho fanamarihana ny Andron’ny 08 Marsa taona 2024, dia nisy ny Diabe namakivaky ny tanana notontsosaina teto amin’ny Kaominina Ambohimangakely.
Tiana ny manamarika fa ity hetsika ity, dia notarihin’i Ramatoa Vadin’ny Ben’ny Tanana, izay mpitantana ny Association SOA.
Ankoatry ny vehivavy Mpikambana ao amin’ny Fikambanana Ovaintsika ny Tanana sy ireo Vehivavy Mpiasan’ny Kaominina, dia maro ireo Fikambananm-behivavy nandray anjara tamin’ity diabe ity, tsy vitsy koa ireo Orin’asa, Fikambanana sy sekoly tsy miankina, Vadin’ireo Mpitandro filaminana.
Taorian’izay, dia niara nirohotra namboly hazo teny amin’ny tany malalaka eny Betsizaraina ny rehetra, izay notarihin’Andriamatoa Radafy Thiery na i Bota.
Fantatra fa Zanan-kazo miisa 1500 teo ho eo no voatsatoka, kanefa mialohan’ny fanatsatohan izany zanan-kazo izany dia nisy ny toro-marika avy amin’ireo Teknisianina iraky ny Ministera.
Tanjona manokana amin’izao hoy Ben’ny tanana raha nanontaniana, dia ny hamerenana indray ho tontolo maintso an’i Madagasikara.
Nangonin ‘Lay Mahintsy
