» Lasan´ny orinasa sinoa Medi ny tany 7ha etsy Bemahatazana Antsofonondry Sabotsy Namehana » villa Fiadanantsoa V ».
Trano mijoro miisa 15 no narodana avokoa izay an’ny fianakaviana mpandova, fantatra fa Tranon-drazana sy fasana sisa no tsy nokitihina . Ny fanampim-baovao teny an-toerana no nahalalana fa efa nisy fifanolanana ny ity tany ity,
Efa hatramin’ny taona 1973 no nandovan´ny taranaka ny tanin´i Rasamoelina sy Ratsaraide razambeny ny tany Villa Fiadanatsoa V. Nisy nangalatra anefa ny bokin-tany, ary tany amin’ny tera-tany karana no hita, io karana io indray no nivarotra tamin´ny sinoa tompon´ny orinasa Medi, araka ny fitantaran´ireo mpandova .
Anio Alakamisy 22 febroary 2024 tamin´ny 4.30 ora sy sasany maraina no efa nanemitra ny tanàna ny zandary niaraka tamin’ny vadintany, tamin´ny 5.30 maraina tany ho any no nanomboka ny fanatanterahana ny fandrodanana, ary izay nampiasana irony fitaovana lehibe fandravana trano irony.
Avy hatrany moa dia fandravana tsy misy indrafo no natao, na dia nitalaho an-dranomaso tsy handravana ny trano aza ireto tompon-trano.
Ho arahintsika eto ny tohiny…
Nangonin’ Lay Mahintsy
